眼淚心裡流

阿部超好笑


竹內結子超正斗

疴尿等老細

提示：有關鍵劇情透露

看了《為你鍾情》﹐小弟對導演郭子健有兩點感想﹐首先﹐此君係一個電視精﹐另類的是﹐同我一樣﹐佢可能唔係睇《穿梭機》﹐佢係睇麗的既《醒目仔時間》個喎 --- 親愛的﹐咪畀佢誤導﹐張國榮真係唔係參加新秀架﹐佢係麗的出身架。

30年前已經罷看TVB﹐30年後仍然覺得甘國亮的外型、談吐、文字﹐都令人頭痛的老友﹐當然會記得《天蠶變》的傳奇故事啦 --- 徐少強玩失蹤﹐個主角雲飛揚突然變左另一個人做 (呢條友有份做《打擂台》架)﹐又冇人解畫個喎﹐所有人都若無其事﹐然後套劇又繼續拍落去喎﹐真係非常特別。了解左呢個背景﹐我可以解釋﹐典解《為你鍾情》會將原來的所謂翩翩美少年李治廷 (《歲月神偷》跨欄個條茂利)﹐突然變左一個佬﹐毫不避嫌咁由幕後老細黎明做番﹐畀佢自我宣傳大展舞技﹐而導演又唔面紅個喎﹐面不變色心不跳喎。

唔理好醜但求就手

老實說﹐當Janice Man 掀起20年冇見的舊情人面紗﹐發現佢由李治廷變左黎明﹐觀眾席上的小弟﹐內心真係起了一陣莫名的騷動：唔通係布扭爾的That Obscure Object of Desire (二人分飾一角)？唔通佢想挑戰觀眾﹐之前o個的俊男美女﹐與夢如幻的flashback﹐全部都假既 (隱喻80年代流行文化毒害人心)？嘩﹐係o個一刻﹐小弟好興奮﹐對導演有點另眼相看。幸好多看一會﹐我就發覺冇跌眼鏡﹐真係諗多左﹐導演還是非常一貫地膚淺﹐佢完全冇挑戰任何人或事的意思﹐佢搵黎明做中年李治廷﹐同《天蠶變》一樣﹐不過貪就手罷了：cheap trick、唔駛錢、逢迎老細、畀佢自我陶醉、重有得玩靚妹添。

除了是電視精﹐此君的另一面﹐則是屎忽鬼。未看《為你鍾情》﹐誰都想不到﹐主角其實是老細黎明。雖則佢做得OK﹐但塵世間最痛苦既事﹐莫過於疴尿遇到老細﹐同檯食飯都好難﹐更何佢開口話你個project要預埋佢﹐唔單止日日監場﹐重要兜口兜面一齊撞牆？ 等於邵氏片有陳志雲落場﹐許鞍華片有王晶出現﹐寰宇片見到林小明夫婦的儷影﹐香港精神片一前一後見到董賤華和曾特狗﹐嘔心與否不論﹐但你還會相信作者享有創作自由嗎？

對音樂無感無情

《為你鍾情》令人疑惑的一場戲﹐是黎明o係Disco 學米高積臣跳Thriller﹐喜感如何甭談﹐問題係﹐你播甄楚倩、張立基亦無妨﹐典解會播Thriller呢？ 佢同土炮香港流行文化﹐同張國榮咩關係都冇﹐如何自圓其說呢？ 如何喚起戀舊情懷呢？ 你有冇睇紐承澤的台片《艋舺》啊﹐佢都有場Disco戲﹐係播<愛情陷阱>丫。所以用Thriller﹐唯一的理由﹐係米高積臣暴斃﹐突然變得好熟悉﹐可見編導的功利﹐即使以地道文化包裝(90後們管你什麼鳥<愛情陷阱>呢)﹐還是看不到作者對80年代流行文化真心的尊重﹐沒立場的懷舊﹐不過是姿勢﹐這是編導的無原則之處。

除了逢迎主子﹐《為你鍾情》另一特點﹐係有不少電影導演粉墨登場﹐除了谷德昭﹐周凱光(一貫噁心)﹐還有鄭保瑞(演出有點突破)添。相比其他人際關係出現危機的電影導演 (例如黃精甫)﹐郭子健年紀輕輕﹐就顯得交遊廣闊﹐老中青大小通殺﹐比較像彭浩翔﹐但有趣的是﹐一部so-called緬懷80年代流行音樂的電影﹐客串的都是導演﹐歌星卻少到只得一個單立文﹐是黎明得罪同行太多﹐還是一切不過惺惺作態﹐根本對流行音樂無感也無情？

外國的搖滾野史電影﹐Cameron Crowe 的Almost Famous 至少有疑似David Bowie﹐Todd Haynes的I'm Not There 也有疑似Beatles﹐是gimmick也好﹐是in-jokes也罷﹐樂迷看來﹐自有會心之處﹐而《為你鍾情》從頭到尾光秃秃﹐張國榮本來是鑽石型的人物﹐他作為明星的複雜性﹐片子丁點都寫不好﹐我不能不懷疑這部電影的拍攝動機。

只想活一次

為什麼叫他最幸運？因為文學作家能成為圖騰偶像，可說是神話。村上已過六十，但喜歡他作品的觀眾層沒有隨著他的年紀老化，相反閱讀層愈來愈年輕，成為「村上精」跪拜一族。他們會模仿書本裏角色中的沉鬱，食角色中牌子的煙，腦中哼唱角色中聽的音樂。能做到一種像時裝般的效應，村上像是一個不屬於流行時尚中的時裝設計師。文學作家能得到社會大眾如此的禮遇，難怪很多「寫得好作家」會眼紅起來。

殺人組織，神秘教派，集體性愛，中年男人對少女學生的迷瞪曖眛，荒謬的似曾相識，加上對喬治．歐威爾《一九八四》的致敬，都是能使《1Q84》成熱賣書的商業元素。村上這次還活化了捷克作曲家Leos Janacek（萊奧什·雅納切克）的作品。大眾古典樂迷一定對Janacek的作品覺得陌生，我家裏也只有他的一隻鋼琴CD作品。《1Q84》的女主角青豆在計程車上聽到的Janacek的《小交響曲》，青豆覺得有一種不可思議的震撼，因為青豆從來都沒有聽過這曲，但她馬上就能說出這是Janacek 的《小交響曲》。這真是一種耐人尋味的Deja Vu。

村上精
文 陳輝陽
(明報)2010年9月19日 星期日。

http://hk.news.yahoo.com/article/100918/4/kafk.html

我淨係想講畀作者知﹐捷克作曲家Leos Janacek的音樂﹐在文學界言﹐一早就已被「活化」了﹐佢泉下有知﹐大概都唔想好似吸血殭尸咁﹐一而再﹐再而三﹐不停畀人「活化」。

差唔多30年前﹐有個比村上春樹出名得多﹐重要得多﹐偉大得多的捷克作家﹐叫Milan Kundera﹐係佢暢銷不倒的名作﹐The Unbearable Lightness of Being﹐重有好多文章﹐已經將Leos Janacek「活化」到無人不曉的地步。

我唔知村上條契弟係咪真係識音樂﹐Milan Kundera就好叻彈琴﹐據說佢爸爸重係Leos Janacek的門生添。1988年套戲拍成電影﹐Daniel-Day Lewis主演﹐叫布拉格之戀﹐成套戲都係Leos Janacek的音樂﹐重有Beatles的歌曲添 (等於披頭又一併被「活化」？)。

容我引同報名家四維出世的名言：『從未聽聞過我的外來生可能比較幸運，有時無知也是一種快樂。C'est la vie！』(<給創意書院學生>﹐《明報》2010年9月12日)﹐兩位作者﹐一狂妄一無知﹐真係珠聯壁合﹐天生一對﹗

當時太緊張

後來我遇到一個人，使我認為將來肯定會和他結婚，便和他上床了。

第一天晚上沒成功，我總結道﹕「此事不可能行得通。」他也感到納悶，奇怪地說﹕「沒理由啊，人家孩子都能生出來，我怎麼進不去呢？」我說﹕「你自己想想吧，我睡覺了。」

第二天還是不成功，我兩天沒睡好，而且要準備考試，就說﹕「乾脆算了吧。要不你去圖書館上網看看？」他不肯，堅持要把事情辦成。我不耐煩地說﹕「隨便你，反正我要睡覺了。」

半夜裏被一個硬物插入，我一下子就驚醒了，他高興地說﹕「可以了！」我心裏真害怕，忍不住哭起來，一邊哭一邊說﹕「我媽會打斷我的腿……」他抱著我，不著邊際地講故事給我聽，溫柔地寬慰了我半天，又信誓旦旦地說﹕「現在你是我老婆啦，要不天亮就去註冊？」我心想﹕這個人為什麼用反問句求婚啊？！

星期日談情﹕中國大陸的年輕人（五）﹕性之初體驗（上）
文 王雅雋
(明報)2010年9月19日
http://hk.news.yahoo.com/article/100918/4/kafe.html

這些文字﹐同睇蘋果日報的訓身性教慾差唔多﹐讀來覺得好匪夷所思﹐『半夜裏被一個硬物插入，我一下子就驚醒了，他高興地說﹕「可以了！」我心裏真害怕，忍不住哭起來，一邊哭一邊說﹕「我媽會打斷我的腿……」』﹐「一個硬物插入」﹐至少要除底褲吧﹐難不成條女裸睡？ 依上文下理看﹐佢係未經人道﹐咁點會赤條條同條仔訓埋一齊呢。

咁條仔冇理由「從後進攻」架﹐咁條女都要擘開大脾架﹐都要郁架﹐唔係點被「插入」呢？ 問題係﹐咁大個人﹐又唔係三歲小兒﹐嗌極唔醒流口水﹐條仔身水身汗﹐左搞右搞﹐條女要搞到「被一個硬物插入」，先至「一下子就驚醒」，唔通食左迷藥？ 佢的自衛意識﹐又係咪真係低到天方夜譚的地步呢？

「我媽會打斷我的腿……」﹐更奇﹐咁搞左咁多次都唔成功﹐先前條女就好傷人的「不耐煩」﹐「隨便你，反正我要睡覺了」﹐成功左啦﹐又要冤天冤地嗌阿媽﹐話人細佬係「一個硬物」﹐咁不屑﹐咁你想被插入定唔想被插入呢？

重有呢﹐性愛唔係淨係講插唔插得入架﹐你估鎖匙開門咩﹐重有前奏呢﹐濕吻呢﹐(互相)口交呢﹐愛撫呢﹐傾偈呢﹐沖涼呢﹐戴套呢﹐呻吟呢﹐制服呢﹐拍片呢﹐save 落iphone畀人睇呢﹐通通唔做﹐樂趣何在呢？ 「我要睡覺」﹐死尸一樣等待被「插入」﹐人地典解要插你呢？ 呢的又係咪另一種(相對於大爺的)大娘心態呢？

日本AV對茂利的「教育功能」﹐太被低估了﹗

猜猜我是誰 #1

田村正和@雨月物語　（主角右邊個條茂利）




當然唔係真架啦﹐呵呵。

契弟常不舉

看了幾年奧斯卡最佳外語片﹐一年一次﹐感覺其特徵愈來愈清楚﹐今屆的《謎情追兇》﹐去屆的《禮儀師》﹐前屆的《The Counterfeiters》﹐大前屆的《La Vie en Rose》﹐還有那些臥虎藏龍、Tsotsi、情流心海什麼的﹐就是中庸路線﹐不太壞的通俗溫情電影﹐好似畀班評審阿伯﹐打開電視看看Discovery Channel﹐就以為不出戶知天下了。

戲院溫度下降

《謎情追兇》最庸俗﹐最堆砌﹐但也可能令觀眾低迴不已的設計﹐是那部olivetti手動打字機 --- 男主角用部老古董寫小說﹐幾十年來打唔到個字母「a」﹐結尾佢將便條紙上寫左的「我好驚」(西班牙文Temo)﹐用筆加番個a 字落去﹐就變成「我愛你」(Te Amo) ﹐小弟睇到呢度﹐內心真係嘩一聲﹐Cheap到爆丫﹐肉麻當有趣丫﹐真係毛管戙丫﹐我完全唔能夠想像﹐假如部片唔係講西班牙文﹐係講英文﹐甚至係講廣東話﹐戲院溫度會降到零下幾多度C？

「外語片」的價值可能在此： 只要成件事砌到似模似樣﹐好演員啦、好攝影啦、好美術啦、好緊張啦﹐唔理有幾多惡俗不堪的設計﹐只要有一定距離感﹐大部份觀眾都唔會覺得有咩唔妥﹐唔好忘記﹐重要分心睇字幕呢﹐更加「疏離」。

《謎情追兇》唔合情理的地方﹐的確多如牛毛﹐例如男主角憑一幀黑白舊照片﹐用10倍放大鏡先睇得清的側邊一條茂利的眼神有異﹐唔駛查唔駛盛﹐就話條友係殺人兇手喎；又例如男主角淨係知個兇手可能鍾意睇波﹐就成日踎o係個10萬人的球場等個兇手喎﹐幼稚園學生都識啦﹐咁叫「守株待兔」丫﹐你好得閑丫﹐差人大晒丫﹐納稅人好多錢養閑人丫﹐你想乘機免費睇波丫﹐小弟敢講﹐再一次﹐假如呢o的情節發生o係港產片﹐相信只會掀起另一輪的圍剿潮﹐比《殺人犯》更cult的荒謬劇場﹐暴徒猛嗌回水﹐冚家祥食屎﹐咪再當觀眾係白痴之類了。

真珠都冇咁真

由呢個思路﹐我可以解釋o個場無厘頭的五分鐘球場長鏡頭﹐典解非拍不可了： 成件事既唔真實 (假如long shot其中一個作用是追求reality)﹐亦做完全做唔到make believe的效果﹐從鳥瞰飛船鏡頭追落去球場﹐比賽中有條茂利射中門楣﹐完全係打機feel﹐假到離譜 (踢過下波都知﹐節奏咁快﹐個波跟住攻勢郁緊﹐你要一野射中門楣﹐個波重要curve到咁恰到好處﹐就算係馬勒當拿都未必咁好演技)。

跟住落去冇乜出奇﹐完全係奇觀式 (一樓跳落去狗吃屎之類)﹐但就係做到一個嚇唬觀眾的效果﹐一次過解決左成個球場緝兇過程的天方夜譚與荒謬絕論 --- 一鏡直落(你信嗎？)﹐真人示範做埋畀你睇咯喎﹐重有假既咩？ 真珠都冇咁真丫﹗ 呢場戲好係邊﹐完全唔明﹐假如白賴仁狄龐馬那些馬戲團雜技表演長鏡頭﹐都會常常要被嘲弄為多餘、賣弄、作狀、好叻喎細路 (純以visual pleasure言﹐後者不是有趣得多嗎？)

警賊難分不限於賓佬

《謎情追兇》可堪玩味的﹐顯然係男主角同淫賊係同一種人﹐沉溺於25年前的兇案不能自拔﹐佢已將淫賊的心情內化﹐所以淫賊後來扶搖直上﹐他就陷入左點處理條女主角的dilemma (自己戇恰恰﹐殺人者步步高陞)。兩條契弟一樣﹐談情說愛有心無力 (注意女主角Irene結婚照裡男主角的眼神)﹐都係有條女開左房門分別叫兩條契弟入去﹐天堂地獄一線之差﹐佢地唔係踟躕不前﹐就係自我毀滅。

片子不落俗套之處﹐係冇叫主角代入淫賊個心理狀態 (如Manhunter)﹐緝兇無味﹐自我解放才是重點。警賊難分﹐兩條線平行發展﹐只有一個交匯點：男角整爛女主角心口衫鏤﹐然後玩審犯﹐玩good cop bad cop﹐情場激動﹐被女主角酥胸半露吸引﹐細佬介乎半扯未扯之間的﹐又豈止淫賊呢？ 典解男主角末了要去見死者老公呢﹐當然是悔罪﹐他找不到救贖的門徑﹐只能曲線謝罪。

《古田任三郎》澤口靖子演修女一集﹐房門長開男女援受不親﹐《謎情追兇》是另一種玩法﹐不論那是閨房房門還是辦公室大門﹐是屬於女主角Irene還是被害美女的﹐裡面的空間﹐其實都係班女的「絕對領域」(卡通片EVA術語)﹐當班女的心理防衛機制解開後﹐上幾代的男人會像禽獸一樣食住上﹐初號機零號機硬闖暴走﹐玩盡各種花式；依家班契弟就會思前想後﹐不敢叩門擔心不舉。不分中外﹐同志霸權雄起﹐雄性基因勢危﹐這是《謎情追兇》的卓見。

淨係做木魚

網上看見這款海報：

是不是比隨街貼這款好些呢：


典解捨此取那﹐我只能猜想﹐除了肉地太好﹐過唔到電檢﹐前者有條女厲住你﹐好似有o的o野 (觀眾就係唔鍾意有o野﹗)﹐對班淫虫有侵略性﹐後者則冇﹐除了色調怪異﹐非常符合埋首看日本AV﹐只識吃殘廢餐的茂利的視覺想像 (也很配合宣傳口號「囡囡解扣」)。

老實說小弟很少網上溜達﹐也未試過援交﹐我好懷疑﹐班女搵客時﹐真會自稱「囡囡」嗎？這些「術語」﹐不是阿叔才會用的嗎？ 一般我估是嫖客先會咁叫o的女吧﹐蘋果日報的召妓指南也很常見﹐介紹乜乜「馬交光豬邊爐」﹐「東門落閘偷跳場」之類時﹐才會叫她們「囡囡」吧。

援交反壟斷

戲名很重要﹐你又唔係無色無味到叫「油尖旺24小時」﹐而直用買春嫖客的角度﹐即係連拍戲的人都唔自覺要尊重班女的自主性 (援交的中心「思想」﹐不是反剝削反壟斷﹐我要主導賣淫﹐性愛換錢很平常﹐其實人人都在賣淫之類嗎？)﹐都要將佢地定型﹐唔打算挑戰觀眾的性異常﹐咁其實又拍來做乜呢？

囡囡的好處﹐係唔走精面(如《澀谷24小時》之類)﹐明刀明鎗唔扭唔擰﹐唔戴套唔驚愛滋﹐看了你就會覺得﹐那些新民主女神的「我淨係做金魚」﹐「做舞小姐吸取人生經驗」之類﹐真係偽善到極﹐無聊透頂；但反過來說﹐問題也在於班女咁無所謂地落場打波﹐重從中得到很多樂趣﹐就失去了援交未曾真箇的魅力﹐不過係流動上網應召式﹐同一般妓女都冇咩唔同。

做完唔收錢

比較有趣的﹐係有條有錢女為興趣援交﹐做完唔收錢﹐重畀番錢條仔添﹐其實日本AV有時都有類似鋪排﹐但囡囡係冇荒謬感﹐因為一路跟條女角度敘事﹐自然冇強弱逆轉的衝擊﹐件事重變了網上都市傳奇﹐out得黎重好兒戲添。

囡囡的問題﹐係對性愛對賣淫冇新觀點﹐只能用「變態嫖客」(鏡頭只見女體和各式變態「刑具」﹐見唔到嫖客個樣﹐拍法同日本AV一樣)、「愛滋疑雲」之類推動劇情發展。其實經歷過Edison淫照事件﹐無日無之的偷拍小學生天台觀音坐蓮﹐大學生互傳前度性愛高潮youtube新聞﹐那些九十後的新新人類們﹐還會因為被變態藍帽子偷拍性愛片放上網而又羞又惱﹐大發雷霆嗎？

最後﹐我建議鄭大班除了發明老人平安鐘﹐也要考慮搞搞囡囡平安鐘﹐班女唔曉保護自己﹐防狼噴霧都冇支﹐而變態警察真何其太多﹗

一週一健談 #15

陳雲：評論之終局
2010-09-06 明報

踏入政壇，要知道終局何在，始可履險如夷，保存精銳，為社稷與黨人謀幸福，必要時自己抽身而出，這是從政的道義與智慧。撰寫政治評論，也要有道義責任和行事策略。要知道事態之終局何在，始可以採取觀點分析和部署言論攻勢，影響人心、改善施政或力挽狂瀾。政治評論是將自己的道義立場和歷史判斷押下的，玩忽不得。撰寫時事評論，倒是輕鬆一些，以事論事，明辨是非即可。評錯了，論歪了，有其他同行矯正，沒什麽大不了。時事評論並非我的謀生門路，我寫的是政治評論，即使是評論時事，也用政治評論的心態寫。故此，任何一篇（包括這一篇），都要發揮思想自由和言論自由的極致，隨時預計被老總叫停，隨時準備被許多讀者冷待。

人類並非理性生物。政治的最終力量，來自非理性的群衆衝動，當中有好有壞，有行善的，也有作惡的，假如都沒智慧來駕馭，便都是不受控制的暴行。故此，為了社會安全，為了快樂生活，我們抵制暴力，特別是來自霸權的、有組織的暴力。社會需要和平的風俗、持續的對話與多元的評論。然則，當社會被霸權操弄，大部分人委屈求存，麻木不仁，政治評論就變成思想體操，成了文娛活動，只是滿足好奇和宣泄怨氣，並無實際作用。要改變困局，只能轉而求之於非理性衝動的總體爆發，在廢墟和殘骸之中重新建設。這叫革命。眾人壓抑久了，到了轉捩點，要爆發行動，理性分析和善意忠告，就只限於同道之間流傳；公開發表，就「阻住地球轉」，變成反革命了。故此，幾年之前，我終止評論內地的政局，如非關涉香港，提也不提。中國內地敗象紛呈，終局可以預見，只是公開講出來沒有意思。了知終局而不能力挽狂瀾，就無謂阻延政局崩壞，就只得自設評論的終局，自行了斷。

政改之後，香港的終局，已可預知。於是我在政論專欄，將言論層層推進，達到極點，一般人認為是天方夜譚，連預備中國崩潰的「中美共治香港論」都說出來了。十幾年來，我也不斷抨擊地產霸權，是寄望他們顧全大局，留有餘地，不要敗壞香港這個中華有生力量的保存所。然則，朽木不可雕。在《信報》的最後一篇政論，抨擊他們將香港變成人間地獄，諷刺他們終歸要入地獄，其實是想停筆，不再寫政治評論了。這是為自己設下的終局。報社頂不住而剔除專欄，是意料中事。然則，假若報社老闆和地產廣告客戶寬宏大量，你忍得我，我也忍得你，相忍為國，我會守持君子風度，不再縱橫議論，改寫時事評論應世，以一件件的小事情來改善社會。

畢竟，只要有絲毫的和平改良社會的機會，也不應放棄。總體爆發的暴亂革命，史上沒有多少個政治家有道德操守和通透智慧去駕馭。當然，用來消滅邪惡霸權，以惡止惡，革命很有效。然而，革命的功用，所謂弔民伐罪，也僅止於弔民伐罪而已。要開太平之世，靠的仍是溫溫吞吞的理性商量，跌跌撞撞的實務改善。

突破困局，建立樂土，需要智慧、需要韌力，更需要快樂平靜的心境。比如打坐， 有些沉悶，但不緊要，慢慢就樂在其中，成佛也得靠這個。至於斬妖除魔，道心不淨者，只是消前生孽障、也是結今世孽緣，在惡之中輪迴， 非成佛解脫之道也。