無聊補青天

以下《星空》劇透


這是幾米繪本《星空》最後一頁﹐小美長大成人的背影﹐到畫廊看畫。

A picture worth more than thousand words。不妨諗諗﹐改編電影後﹐片子搞哩搞路﹐用了幾多筆墨去拍呢個畫面？ 首先﹐幾米冇畫條女咩樣﹐冇講條女去邊睇畫﹐衣著平平無奇﹐冇身材﹐冇著制服﹐枯燥無味到陳冠希都無法對條女產生幻想﹐手塚治虫帽﹐女鬼髮型﹐讀者亦唔會大想頭到諗佢去阿姆斯特丹看真跡。看了電影你就明白﹐幾米係反浪漫化﹐佢唔想讀者覺得好fancy﹐繪本後半部(小美從夢中醒來)係前半部的anti-thesie﹐成長就是如此無奈﹐平平無奇﹐滿佈離別與哀傷﹐兒童無力變天。

套戲典拍呢？ 徐嬌變了桂綸美 (醜小鴨變天鵝？)﹐跟住老母去了巴黎(重修舊好？)﹐法語朗朗上口對答如流(這原來是夏文汐、繆騫人、張曼玉的特權)﹐天寒地凍﹐燈火溫曖﹐同個同母異父的西人細妹係街頭聽洋人唱聖詩﹐嘩﹐我係國中女生﹐真係睇到流下眼淚。

重唔夠喎﹐重有個喎﹐套戲重有「伏筆」個喎﹐桂綸美跟住去睇畫﹐去睇o的1000塊、3000塊的西洋名畫puzzle﹐重有奇遇喎﹐重遇故人喎﹐替佢受傷的心靈捕返個窿窿喎。片子最攻於心計的﹐是小美o個個「故人」﹐反而睇唔見佢咩樣o個喎﹐咁當然係要迎合少女觀眾的幻象：唔想面對長大後平庸的自己﹐只係縱情幻想﹐有個英偉不凡又有錢的對象翩然而至﹐唔清唔楚﹐更係孤枕無眠﹐心癢難耐。

女禍煉石補青天﹐Oh My﹐阿哥﹐你拍戲前﹐到底明唔明人地個繪本講乜呢？ 明明知道﹐仍然咁拍﹐余忝居觀眾﹐再次被騙﹐也無可奈何﹐只能拋下幾個字：cheap爆﹐墮落。