20130619

毒男自毀學

看了鬼眼導演的After Earth﹐一點也不行(行貨那個行)﹐還有有點high。片子混合了科幻片、家庭片﹐愛情片、cadet片(新紥師兄)、兒童片、災難片、驚慄片、動物片、武俠片﹐共冶一爐。

劇透
冇所謂啦﹐你都唔會睇架啦(套戲同呢篇野)

成套睇完﹐小弟先明﹐After Earth裡的外星怪物﹐其實是「女人」的隱喻﹐怪物造型來自《異型》(少年主角下面望上去﹐佢係度流口水)﹐《午夜凶靈》(女鬼井底爬出來)之類﹐咁就覺得妙不可言。 而Will Smith從來唔教少年主角﹐當你遇到怪物(女人)時﹐個心撲撲咁跳時﹐費洛蒙狂飇時﹐你應該典做 ------- 少年人﹐你只有一件事可以做﹐跑呀。

片子同鬼眼導演作品一脈相承﹐與人間格格不入的奇人﹐接受救世天命。Will Smith的對白:「danger (武按:女人的威脅)是真的﹐但fear(武按:心跳﹐即愛情的隱喻)是假的」(大意)。

「躍起之後. 勢須下落. 而今問題在. 你如何去平伏那心跳?」李李李天天天天命

After Earth的少年﹐要像爸爸Will Smith咁接受天命﹐就要抑制自己的心跳 ------ 怪物撲到面前﹐依然像陳志雲﹐唔好驚,唔好亂,唔好放棄﹐怪物聽唔到我的心跳。心跳可以用科技量度﹐但除非你有天耳通﹐否則乜柒都聽唔見。就算我心跳到死﹐都唔要畀的女聽見。

http://www.youtube.com/watch?v=U0opc9jUkIY
東京事変
Love is an Illusion (Get it Up For Love) slightly remixed

After Earth裡「不會心跳的人」﹐爬上華山之巔﹐才是強中之強;就像野島伸司日劇﹐「不會流淚的人」﹐不像溫爺爺假哭﹐唔用眼藥水﹐就只能等待淚腺崩潰的那一天﹐個心滿溢了溫情、悔罪、我供左層樓畀妳啦﹐咁班女就開心啦。

用愛情隱喻觀之﹐After Earth重可以接通古谷實的漫畫:女人是引領男人走進地獄﹐與社會融合的惡鬼﹐廢柴(古谷實作品)和救世豪傑(鬼眼導演作品)﹐都不是正常人﹐在殺人與自殺之間徘徊。而回到女人的懷抱(重建家庭)﹐則是佢地重回正途﹐變返個正常人的路徑(咁你話幾咁無聊呢)。


《庸才》:厲鬼來襲

當男人對女人的靈魂和肉體都再冇興趣時﹐依據After Earth的說法﹐女人的對策有二:

一、死畀你睇﹐你欠左我架;

二、你晚晚唔返黎﹐我冇所謂呀﹐我晚晚出去溝仔﹐但你典對得住屋企個仔仔呢﹐佢係度等緊你架嘛。

末了Will Smith夫子﹐一家三口重建家庭﹐鬼眼導演從Unbreakable裡Bruce Willis等悲傷英雄﹐Lady in the water裡的精神病看更阿叔﹐兜兜轉轉了幾十個圈﹐回到闔府統請的大團圓結局﹐人各有志﹐大家開心﹐咁都冇咩唔好呀。你仍然有一個option﹐一念之間﹐可以做番個正常人﹐這毋寧是幸福的。


《沒有玫瑰的花店》:你要流淚﹐我是winner

After Earth最離奇﹐是下半部玩到變了《神鵰俠侶》﹐有隻鵰兄﹐一次又一次救了少年主角一命。恐怕唯有香港觀眾﹐先會由此想起劉德華和陳玉蓮:十六年後﹐過兒不再做神鵰俠﹐與小龍女退隱江湖﹐跟木村拓哉及松隆子不一樣﹐小弟不相信﹐會是幸福的結局。

http://www.youtube.com/watch?v=0HxP0QWF9qI
幸せな結末

以上﹐新類型意識很流﹐混雜mv、電話圖像、劣詩、罵街﹐爛歌、浮想影評﹐是我的另創新楢﹐願你以另眼相看。

嘩﹐你睇到呢鼠﹐重睇埋呢句﹐你好野呀﹐我愛你/妳呀。

7 comments:

我 said...

難怪我結咗婚生埋仔,硬係覺得人生有啲嘢唔對勁啦。

哦 said...

小心女人~ 小心女人~

阿武 said...

好在呢處都冇人睇﹐否則害左你。

阿武 said...

呢的歌詞﹐真係睇唔明。

http://www.youtube.com/watch?v=fH2NR2Dy25c

400blows said...

read. thanks

阿武 said...

辛苦了﹗

400blows said...

喜歡讀你的文字