20130404

開show三哲學

http://hk.apple.nextmedia.com/entertainment/art/20130404/18216165
家駒逝世20年 三子紀念騷告吹
家強:對不起 沒有Beyond了

看了這則新聞﹐想起達哥訪問﹐

「......好平就可以做隻碟,係賣到三、四千張,我都有錢袋,但一定只得小數目。」這出碟計劃與達明一派無關,與黃耀明第三次重組是為搵錢,「出碟會蝕尤其係佢做,起碼最少蝕二、三十萬」,其言指明哥喜愛豪華製作。

http://hk.apple.nextmedia.com/financeestate/art/20130217/18167624
談音樂大計 盼出福音碟
劉以達數口最精

達哥與世榮﹐是兩種開show哲學: 達哥為了搵錢﹐而重組達明開Show;世榮為了音樂﹐而拒絕重組beyond開Show。

當然境界有高下 (例如我覺得達明最近演唱會DVD﹐難聽到不得)﹐無奈現實如此﹐達哥的碟我隻隻買齊﹐世榮的老實說未買過。

第三種開show哲學﹐則是明哥那種﹐利用達明「品牌」﹐施吸精大法﹐起死回春。還未心足﹐尾場再推開櫃門﹐騎劫光環。明哥心計之精﹐比賺到盡的地產商、外判商﹐實略無愧色。

「我身份係前Beyond成員,唔明點解個個問我搞唔搞?仲有好多前成員,佢哋都好大貢獻,重組任何成員都可以,我只係一分子,我唔會反對重組,自己有原因唔想參與,對我嚟講Beyond喺05年已解散,我唔想重複重組解散,我有自己夢想要做,我年紀唔細,時間買少見少,人生無常,點解唔畀我人生最後30年做自己夢想?我點解要滿足大部份人要求?」

不要少看這段自白﹐小弟敢說﹐具國際級數﹐當今之世﹐並不犬儒﹐熱愛音樂﹐挑戰自己﹐尊重樂迷﹐全世界都絕無僅有﹐可與Lennon、Roger Waters並駕齊驅。像陳秀慧的名言﹐做人最重要是正直(大意)。

「唔明點解個個問我搞唔搞?」﹐世榮不明白﹐很簡單﹐因為他的思想﹐已接上三十年前的西方搖滾文明﹐超越了將一切世事﹐簡化成錢、爭產、肥皂劇、你迷幻中環、我搶人條女的香港人心態:

阿Paul和家強都冇野羅﹐你重唔累飯應?臭美啊﹐搞咩呀﹐歌酬不夠﹐我付雙倍。

這是香港人的MINDSET﹐他們不懂﹐重組Beyond﹐唔係為HAPPY﹐唔係為錢﹐唔係搵個機會「出櫃」﹐而係為創作音樂﹐繼續追尋。Beyond完成歷史任務﹐比《天蠶變》、《大地恩情》更有機會永垂不朽﹐已經夠了。Beyond無需扭曲自己﹐替左膠、離地中產、捐500蚊就以為可以贖罪的賤人﹐創作更多K歌。

要紀念﹐可上百度download一套殘體字無損flac全集 (係咪真有聽﹐天曉得)。世榮繼續出碟﹐阿Paul出了隻白色封面﹐咩都冇的唱碟﹐家強帶埋老婆仔女﹐參加反洗腦音樂會。可能微不足道﹐可能無人知曉﹐但誰都無權限制﹐歌迷超越睇騷、政總唱K、拜山、上facebook嘆息唏噓﹐用「新方法」(其實是「舊方法」)﹐重新想像家駒。

9 comments:

14kgangster said...

教友科水、政協追夢...
政治很正確。

阿武君 said...

葉世榮無厘頭做政協

http://orientaldaily.on.cc/cnt/entertainment/20130118/00282_065.html

14kgangster said...

噢...原來如此,遺漏了這篇澄清。還以為響應習總的中國夢...

哦 said...

今期壹仔有世榮訪問

我估大家應該都知道, 但請容許我搭訕一句, 哈哈

ahwu said...

唔知呢﹐謝謝介紹﹗

葉世榮問:「家強,你今天的問題代表着普羅意見嗎?我覺得悲哀,香港沒文化,剩下錢文化和爭拗文化。你問我為什麼賺大錢也不復合,我答賺錢也不幹了,你便問我是否兄弟爭拗——好像只有錢和爭拗才解釋到。還有理想吧,我們,每一個前成員的聚散,聚是因為理想,散,也可以因為理想,不好嗎?」

哦 said...

睇到呢到, 就不期然諗起天與地

團隊的聚散, 理想與金錢的權衡

天與地的beyond味, 唔止死左一個team member, 剩低的去打泰拳咁表面

ahwu said...

世榮拒絕重組變了新聞﹐因為香港人cynical (世榮嫌錢腥﹐背後另有圖謀);
世榮拒絕重組變了舊聞﹐也是因為香港人
cynical (佢原來黎真﹐要追尋理想﹐唔該早抖啦)。
香港人冇得救﹐講完。

ahwu said...

http://tivohd1190.photobucket.com/albums/z445/mo2043/dada.png?t=1365899899

呢種先係香港人(口頭上的)價值(任勞任怨、默默耕耘什麼)﹐講夢想﹐會畀人笑架。

AHWU said...

咁當然香港人真正追求的﹐是不可宣之於口的﹐更不可在頒獎禮上講的﹐阿門。