完全唔危險

際此風雲際會﹐狂小公公的時機﹐睇完第一類型危險﹐完全唔覺危險﹐冇諗過暴動﹐亦冇想過學戲中人去百老匯電影中心掟波羅﹐真係慘情。我唔相信因為我老餅﹐我相信就算我係1822﹐套戲都煽動唔到我。又一個神話的破滅﹐只覺中國人特別偽善和小題大造﹐從國際電影﹐甚至從60年代日本標準言﹐根本毫不激進﹐亦毫無特別。

此片的優點﹐係象徵陳套(鐵絲網、墳場什麼的)﹐但唔怕虐畜﹐鏡頭凌厲﹐拍出效果(針拮老鼠之類)﹐缺點也好明顯﹐係脫離現實﹐有頭冇尾﹐根本不關心社會﹐例子不勝枚舉﹐如阿爸問區瑞強搞乜﹐區冷然答「強姦」﹐片子即接下一場戲﹐作者只想製造效果﹐不關心他家庭的狀況和問題﹐係迴避問題的表現。幾位角色無深度﹐觀眾完全進入唔到佢地「憤怒」的底蘊﹐不過以疑似「激進」行為﹐凶人而已。

片中人的暴力行為﹐是假激進﹐日前示威人士坐於馬路等候被捕﹐是真激進﹐講完。

假如「憤怒」是評論的標準﹐《香港製造》是真的﹐《第一類型危險》是假的﹐講完。

下半部鬼佬出場﹐進入類型片的娛樂層面﹐更係悶到抽筋﹐講完。

我看過Tsui Hark的電影不多﹐但佢的確是個冇野扮有野的導演﹐視野貧乏﹐對社會漠不關心﹐是他的致命傷﹐講完。

Tsui Hark的電影﹐有生之年我都不打算再看﹐講完。