差佬勿虐老

http://news.mingpao.com/20110703/vzd2_print.htm
周日話題﹕七一遊行之政府總部荒誕護樹事件

這十幾年特區逐漸變成高度監控城市﹐護衛和保安無處不在﹐僅次於差佬﹐是最令人厭惡的人種﹐佩服呢位作者的普薩心腸﹐小弟當時係冇既﹐只覺得係奇景。亦唔覺得佢地「護樹」﹐比較似被綁﹐而疑似將佢地「綁」起來﹐不是賊佬﹐竟然是差佬。

小弟要補充兩點﹐

一、唔係淨係顆樹有護衛﹐入去總部個兩行閘﹐都有護衛﹐兩邊各有三、四人﹐人潮來去﹐佢地要棟篤企﹐兩隻手查實個欄。小弟懷疑差佬準備隨時落閘放狗﹐就叫護衛係咁企係個到。為了隨時拉閘﹐竟然可以叫人咁樣查住條柱﹐企係個鼠幾個鐘頭。小弟6點上去見到﹐8點半再上去仍然見到﹐佢地都係同一pose。

二、後來我從右邊往蘭桂坊方向離開﹐睇到政府總部內部﹐有十來二十個護衛﹐好得閑﹐係四、五樓走廊行來行去﹐唔知做乜春﹐有的係停車場﹐好輕鬆﹐以此觀之﹐高如高高在上的狗官﹐賤如判上判的被綁護衛﹐都是有階級性的 ------ 政府和差佬剝削外判護衛公司﹐護衛公司則虐待弱勢護衛(「這批「護樹」的護衛中，至少三人是婦女，其中兩名男性護衛，已是頭髮斑白的老人」)。老野同婦女﹐係被剝削的重災區。