記政治幫閑

「周生你要畀人講野先得架﹐你又唔畀人講﹐咁你又叫我打黎畀你丫」
「我冇叫你打畀我﹐你打黎咋」

陳雲寫過﹐地產霸權下的零售店員﹐喜歡講「先生/小姐﹐有乜幫到你丫」﹐此話荒謬絕倫﹐蓋顧客幫襯﹐是關照汝等之意﹐幹嗎米飯班主要倒轉槍頭﹐接受你們的「幫助」呢？周融當然比萬寧或屈臣氏的售貨員高級﹐他是電台烽煙節目主持﹐聽眾來電議論政事﹐本來與節目存亡繼絕﹐至為關鍵的大事﹐互相對罵調侃﹐本來也很平常﹐但周融竟答之以「我冇叫你打畀我﹐你打黎咋」。

周融侮辱聽眾(潛台詞：呢度唔適合你,你自己羅黎)﹐係揭發了官台宣傳機器的本質：聽眾從來不是官台的老細。周融是幫閑﹐權貴才是他的衣食父母。他就像替LV一類名店守門口﹐替顧客開門關門﹐黑黑實實,平頭﹐armani一套,白鴿眼其實是正道。而LV身光頸靚的店員﹐受人二分四﹐恐怕也不會自我作賤﹐逢人就問「先生/小姐﹐有乜幫到你」吧。