20100712

球迷戲一場

安裕周記﹕當一個人變成一種宗教
http://hk.news.yahoo.com/article/100710/4/j3kd.html
(明報)2010年7月11日 星期日

呢篇文字﹐真係好好笑﹐球王比利淪為「明燈」﹐感情豐富的作者﹐竟然覺得「於心不忍」﹐也未免太滑稽﹐太中學生心智了吧。

比利狗up幾句﹐等於秋生四圍射尿﹐不過是八卦新聞﹐略作飯後談資﹐點會有茂利扯到什麼家國心事、人格胸襟:「比利看來從不以這種嘲笑和批評為忤,只要有世界盃歐國盃南美國家盃的年頭,他必然出來講幾句猜猜哪隊可能奪冠。」﹐重上綱上線小埋華叔:「在球迷從崇拜他到嘲笑他的四十年過程,比利顯出無比的胸襟和智慧,他沒有板著面孔狠狠抽那些球迷幾句,當然更不會用罵娘罵爹罵豬罵狗的惡毒語言,朝那些對他出言不遜的傢伙噴放」?比利咁好修養﹐咁有冇人羅陰司紙掟下佢丫﹐阿哥。

典樣「拒絕」自己「成為一種宗教」?

呢段重好笑:「在國際足聯,是白禮達成為另一個教宗,在中國,是毛澤東的個人崇拜。造神基因無處不在,中西古今俱無法逃出這一宿命,現代足球裏,有條件成為一種宗教卻拒絕了的是比利。」 點解比利狗up幾句﹐咁就等於比利「拒絕」自己「成為一種宗教」呢? 不過係一個退左休踢波既人﹐點樣可以變成一個「宗教」呢? 同樣﹐又點樣可以令自己唔變做一個「宗教」呢?

個世界杯又冇「以言入罪」﹐唔駛拉唔駛鎖﹐一個凡人﹐極其量係做「教主」或「主教」者﹐例如天主教徒黎智英個老友前主教陳日君﹐例如奧姆真理教的麻原章晃﹐例如社民連的黃姓癲狗﹐比利何德何能﹐點解佢可以成為一種「宗教」呢?

比利誤入歧途﹐做了「明燈」﹐不過係窮極無聊的盲毛﹐口痕消遣的陳年Gossip而已﹐同那些「西德章魚燒」什麼的差不多﹐雪藏多年﹐並不新鮮。問題係比利條契弟得個估字丫嘛﹐搏宣傳丫嘛﹐隨口up當秘笈﹐冇分析、冇數據、冇立場、冇態度、冇理由、冇條理﹐同大義滅親、有理有節的告魯夫完全唔同丫嘛。告神成日手指指﹐佢都未必啱架﹐但都有參考價值丫嘛。

比利視民望如浮雲

比利不以為忤﹐無乜咁出奇﹐黃興桂日日畀人小﹐一樣處變不驚﹐重返CAble開咪添;蔡子強情場失意﹐畀港女新聞主播網上恥笑﹐依然日日出鏡;TVB新聞部袁志偉位高權重﹐從未驚過事旦男;黃秋生愈打壓﹐周秀娜愈堅挺;卿姐喜聞強姦恐嚇﹐立刻出席民建聯聚會聯誼一番。

問題係﹐受到「嘲笑和批評」﹐比利唔諗下點「增值」﹐唔諗下點打開世界球壇黑箱﹐例如譴責巴西隊世界杯踢假波﹐淨係鍾意做Show出風頭搞關係﹐孔老夫子講過:「三代以下唯恐不好名」﹐曾特狗又話:「視民望如浮雲」﹐比利係曾生同道﹐寵辱不驚﹐放浪行淫﹐不過說明佢寡廉鮮恥﹐不甘寂寞﹐正牌屎忽鬼而己。

一次估唔中冠軍﹐咪估多幾次羅﹐除非南非發生恐襲﹐澳門莊家發火﹐炸死晒班球員﹐否則估勻32隊﹐梗有次估中掛。紅隧唔通﹐過海咪轉去西環行西隧羅。我就唔信比利呢幾個月冇估過西班牙捧杯。

1 comment:

Anonymous said...

真係好有見地