20100430

我撐八婆玲


3:15 -
癲狗又發癲﹐狂小八婆玲﹐駛乜咁大支野丫﹐公報私仇咩﹐逞其私欲咩﹐煩不煩啊。難道你用既唔係大氣電波﹐就不存在「公器私用」的問題了嗎? 就可以為所欲為了嗎? 你自己講架﹐咪話我屈你丫﹐你小八婆玲的野﹐係有個契弟o係個chatroom度寫畀你﹐「我又冇聽過個節目啦﹐係咪」(4:02)﹐道聽塗說﹐又唔查證﹐咁你up乜春o者﹐你用邊隻耳仔﹐聽到八婆玲「誹謗」社民連丫? 口up up當秘笈﹐咁你呢款又係乜春為學態度丫。可笑的是﹐有條跟屁蟲﹐又學人小阿玲姐「傳言又傳言」(7:53)﹐南華早報寫架﹐傳言又傳言﹐你地係度狂小人﹐根據o既咪又係「傳言又傳言」?

癲狗又話﹐「今日開始﹐我唔會同你講野既」(5:02)﹐好巴閉咩﹐唔講咪唔講羅﹐貪你靚仔丫﹐貪你老婆牛肉麵好食丫﹐貪你台灣野雞大學畢業丫﹐玲姐有心事﹐唔識同同隔離位阿雄仔傾咩。「你邊隻眼睇到我收煙草商錢丫﹐你老味」(5:17)﹐喂喂喂﹐玲姐話o既係「社民連」﹐幾時有話「癲狗」者﹐唔通「癲狗」 = 「社民連」? 「社民連」真係「癲狗」既私人家當? 鬼拍後尾枕﹐你又未免欺人太甚﹐太唔將主席陶君行先生放在眼裡了。

最醒係阿梁錦祥哥哥﹐粒聲唔出﹐偶然倍笑﹐密密實實﹐波又唔畀人睇﹐真係衰過坐檯。明明爛佬鬥潑婦﹐又唔講句公道說話﹐呢的呢﹐就係正真正銘的小人。


2:40 -
咪話我撐八婆玲﹐好事者不妨從頭聽﹐咪斷章取義﹐我只係替天行道o者。

阿玲姐講社民連XXXXX﹐係-比-喻﹐係愛黎對照「商台私通民賤聯事件」﹐玲姐講得好清楚 (請留意佢的抑揚頓錯位)﹐任何頭腦清楚的人都聽得明﹐社-民-連-冇-接-受-煙-草-商-的-捐-款(玲姐原話係「否認」)﹐但處理得唔好﹐畀公眾懷疑和誤解的時候﹐就會釀成「醜聞」﹐因此﹐玲姐想同王永講的是:「我地(武按:指商台)做野唔淨止要公正﹐也要畀人睇到我地係公正」﹐社民連一事﹐係佢用來詮釋的例子。

你可以話佢口齒不清﹐容易令親社民連班契弟反感﹐但癲狗們話玲姐誹謗、中傷、抺黑、扭曲、要向ICAC舉報什麼的﹐你地支旗﹐也未免扯到九西咁遠了吧。話時話﹐唔係淨係你有仔女架﹐八婆玲都有仔女架﹐你地講埋o的咁下流o既o野﹐上晒youtube﹐你叫八婆玲點交待呢﹐真係情何以堪呢。老實講﹐八婆玲今次都不無挑戰商台的意味﹐比起癲狗﹐人格還比較高尚。

呢的咁無聊既野﹐都係唔好講咁多﹐拜拜你條尾。

2 comments:

400blows said...

I am one of the 親社民連班契弟. I listen to the CR clip twice only.

I guess most people hearing CR that part miss the chance to interpret the below clearly as you do, but form an impression that 社民連係接受左煙草公司遮捐款喎。

拿!黃永,等我話比你聽有樣野,即係譬如用社民連做例子。
社民連呢有好多人食煙架,咁所以佢地呢,支持食煙。
好多政府呢禁止食煙既措施呢,佢地都話要反對(另一位主持說:有遊行添,下)
大家一路都覺得無問題架,言論自由個立場呢,係可以呢你點企都得下,你有你既信念。
但係最近呢,就爆出一個醜聞。
就話,咦!社民連係接受左煙草公司遮捐款喎。
拿!咁當然社民連後尾係否認係無接受架下,咁但係呢個點解成為左醜聞呢。
大家就會諗,下!乜原來你支持吸煙,係因為你接受左煙草公司...(嗌艾切)...既損款啊!
咁即係,咁既時候大家就覺得呢個係醜聞喇!

Source
http://www.hkreporter.com/talks/thread-908101-1-1.html

400blows said...

http://www.youtube.com/watch?v=2bR-hKSlSNc

starting 1:52

further info for reference