悶棍甭火大

看康熙來了﹐最怕那些所謂港星﹐他們那副德性﹐真讓人有以特區人身分為恥的感覺。例如這位陳姓姐姐﹐她連鬧得沸沸揚揚的小S家暴事件﹐也完全無知﹐然後上人家節目獻世﹐真是很費解﹐所謂入廟拜神﹐你對主人家不關心、無興趣到這個讓觀眾覺得難堪的地步 (老實說ATV集數追得很貼﹐總不成妳又來生平只看TVB那套吧)﹐然後又要鬧什麼「被主持人冷待」的八卦新聞﹐事實上﹐同你又有乜好傾呢﹐你究竟搞乜春呢。要小弟加句評語﹐就是「不敬業」﹐「不自重」﹐你知道小S微博有40萬fan屎﹐這節目大陸至少有幾仟萬人追看的嗎。

日前又看了劉德華﹐好一點﹐至少唔失禮﹐但也是悶出鳥來﹐連帶大S都被拖累了。幾年前華仔上去跳舞那集﹐小弟也看個﹐有趣多了﹐打個比喻﹐當時華仔還是《教父》第一集的阿爾柏仙奴﹐今次呢﹐他已變了第三集那個﹐即係滿頭白髮﹐戴住介指﹐成身黑麻麻﹐弓起背﹐一碌葛咁痴係張龍椅﹐唔曉起身o個個甫士。

呢一年來小弟keep住睇康熙來了﹐身體好左﹐國語重好左好多添(...好似Jakeline的暗瘡廣告-_-...)﹐愈看愈覺得佩服﹐佢地轉數之快﹐節目內容之跨界和破格﹐勁過光明頂﹐呢個當然係源自激烈競爭﹐資訊自由﹐百花齊放的結果﹐特區岩岩調轉﹐廿三條立法事在必行﹐明星又假﹐又多地雷﹐唱歌差﹐才藝又差﹐國語唔知up乜﹐坐埋一檯痴呆鬥痴呆﹐食草又唔認﹐雜交又唔認﹐哥哥瓜左﹐偉仔嘉玲﹐撐得幾耐呢﹐僅有上得大台既﹐識英文既﹐例如陳冠希同陳兆焯﹐又要集體玩死佢﹐人地都有阮經天、趙又廷啦﹐靚仔呀﹐點解重要搵你班餘孽同契弟呢﹐真係唔明。