小學雞導演

「然而娜拉既然醒了，是很不容易回到夢境的，因此只得走；可是走了以後，有時卻也免不掉墮落或回來。否則，就得問：她除了覺醒的心以外，還帶了什麼去？」
<娜拉走後怎樣>
魯迅

愚見以為﹐《小學雞私奔記》最好笑的﹐可能是Suzy媽咪(Fargo個大肚婆)同個女沖涼﹐一邊問佢：「典解你咁反叛？」(大意)。

認真想想﹐真係笑到肚痛﹐條女又冇隊草﹐又冇玩同性結婚﹐又冇同班童子軍雜交﹐煙唔食﹐啤酒都唔飲﹐冇講過粗口﹐反乜叉野叛？ 再者﹐八歲以後的小妹妹﹐典會畀老母同佢沖涼﹐同佢捽番間？ 掂下佢背脊﹐摷下佢櫃筒﹐佢都反抬啦。

《小學雞》tricky的地方﹐是兩個小朋友私奔﹐父執輩經過一晚先搵番佢地﹐淨係見到佢地著住底衫褲攬埋訓醒﹐成晚流流長﹐你典知佢地做過乜？ 。電影的觀眾則不同﹐一路跟住鏡頭﹐追蹤住他倆一舉一動﹐二人的「性活動」﹐﹐摸上不摸下﹐極限是濕吻、撫胸、硬了 (當然不是奶頭硬了﹐典能咁下流咁黃？)。

個妹妹仔還算有點孌童feel﹐個哥哥仔像從winnie the pooh繪本走來﹐唇紅齒白﹐面珠像蘋果﹐心口冇胸毛﹐一路著住Boy Scout制服﹐戴住浣熊帽子﹐你典能同佢發生性關係？ 未免太米高積臣﹐太重口味了。

於是乎﹐末了Suzy家長大為緊張﹐在觀眾看來﹐不過是笑談。小朋友一切反抗﹐不如學民思潮﹐都stand behind the yellow line﹐誰都沒有性交﹐玩具唱盤轉出的﹐不是Françoise Hardy﹐就是古典樂。沒有大播特播serge gainsbourg的淫聲浪語﹐就難越雷池半部。

導演很清楚﹐觀眾不要看兒童性交﹐所謂「反叛」﹐不過是去camping﹐浪子飛女﹐冇錢開飯的時候﹐都要回頭﹐重組家庭﹐另組家庭(Bruce wills 收養男童)。

觀眾一路看﹐覺得好安全﹐自我感覺良好﹐明明是control freak﹐聞風聲變﹐有道德恐懼﹐重覺得自己好開明。小妹妹曾夸夸其談﹐「一世都唔會再見屋企人」(大意)﹐末了又是一場虛驚﹐你覺得反口覆舌﹐未免太看不開﹐真要挑剔﹐不如去小梁振英。

根據Lord of the Flies﹐殺人見血﹐是兒童長大成人﹐見證罪與罰﹐尋獲自我主體性的關鍵時刻。《小學雞私奔記》也見紅﹐妹妹仔用較剪仔﹐怒插邪惡童軍屎忽﹐一地血跡﹐本來是讓她面對真我的機會﹐但導演對此冇興趣﹐佢用剪接﹐將暴力衝突變成「漫畫」﹐妹妹插邪童﹐沒有心理含意﹐只是一個意想不到﹐令觀眾爆笑的twist。

《小學雞私奔記》內容和形式﹐很一貫﹐結合得很完美﹐畫面平面﹐穩定﹐對稱﹐細節豐富﹐橫向移動美感豐富﹐一開始就以DJ音樂解說﹐cue晒的Benjamin Bitten古典樂進入﹐預示了片子往後述事結構的穩定性﹐再不斷以幾本兒童繪本穿插﹐連繫起來﹐再組成一本巨幅繪本(即本片)。

結尾roller﹐古典音樂響起﹐男童畫外音﹐在音樂間隔間解說﹐這部分是clarinet 獨奏﹐這段是double bass。明明是戲阮﹐想不到﹐變了葉詠詩主持﹐「古典樂器知多少」。

與Rock n'Roll無綠﹐《小學雞私奔記》沒挑戰什麼﹐是闔符統請的親子旅行團。