If you got bad news, you wanna kick them blues
Cocaine
When your day is done, and you wanna run
Cocaine
She don't lie, she don't lie, she don't lie
Cocaine
Cocaine - Eric Clapton
《黑金速遞》的結局﹐你話有趣又得﹐令人不安也可﹐走私犯麥克華堡同老婆用偷來Jackson Pollock的畫﹐滾到天文數字的錢﹐斜陽下﹐一家人提早退休﹐樂也融融﹐最有趣的拍埋佢地兩個仔仔﹐好開心o係度踢波。
「我不怕教壞細路」﹐很明顯﹐這是美帝向蔡志森﹐或致電投訴《天與地》阿佘露背的反智一族﹐下的一封戰書。
聽說導演是冰島人﹐依陶傑的思路﹐顯然有海賊DNA。我想起李敖的文字《海盜萬歲》 ﹐與那部描寫維京海盜的麗的卡通《七海小英雄》。
我又想起Ben Afflect的《The Town》﹐結局都差唔多﹐大賊執到一舊金﹐走去不毛之地嘆世界﹐夕陽下﹐吹吹海風。但總會抹有一絲悲情﹐例如滿手罪孽、手足被殺(《黑》主角則大義滅親拉老友踎監)、與女友分離之類 (盲女成身血﹐猛咁o係地上面典﹐肉麻當有趣的港產片)﹐簡言之﹐還是依遁善惡有報﹐時辰未到﹐一個道德化的世界觀。
麥克華堡就不同了﹐佢不知幾鍾意走私、運毒、搶錢。片初佢改邪歸正﹐然後編導立刻堆砌理由 (不外攬家人、攬白癡舅仔之類)﹐等佢重作馮婦﹐有節有理地﹐繼續犯罪。
Mark哥開頭假正經﹐唔肯運高純度白粉﹐結果咪又係半推半就照做 (畀勾義嫂的老友陷害﹐真係義正詞嚴)。末了重連消帶打﹐用o的cocaine 搞掂有積怨的毒販﹐順便搵差佬拉埋二五仔。有恩報恩﹐有仇報仇﹐白痴差佬周唔到我﹐又唔駛上身﹐真係過癮丫。
Mark Wahlberg好野呀﹐有佢打人﹐冇人打佢﹐畀人打到豬頭咁既﹐反而係女人﹐正是佢老婆。淑女不立危牆之下﹐Mark哥典知老婆畀條二五仔搞過幾鑊呢？ 係自願定被逼呢？ 等老婆畀人打幾鑊﹐少少皮肉之苦﹐是應有之義﹐女人唔打唔得﹐只要出手的不是我﹐就是正義的呼聲。末了救番老婆條命o既﹐咪又係Mark哥。
《黑金速遞》的特點﹐是向教父取經﹐家庭因素﹐一屋仔女﹐不是負累﹐反而成了Mark哥北攻南侵(巴拿馬)﹐內剿反賊(二五仔)﹐四圍搵銀﹐亂印銀紙的利好因素。這是編導對喋血雙雄、獨行殺手、呃錢帝國的反抗。
明明壞事做盡﹐但Mark哥對手﹐絕對不沾血腥﹐就算有﹐隨手抺在那張被當地毯﹐價值兩億的Pollock名畫之上就好了。混在那些「潑墨」之中﹐在這反智末世﹐誰有顯微鏡一樣的眼光﹐分清那是第一世界的顏料﹐還是來自第三世界的血蹟？
末了﹐小弟要說地產商冇人性﹐但農民有農性﹐賊仔有賊性。有些人﹐就是適宜姦淫擄掠﹐打家劫舍﹐隊草吸毒。天生我才必有用﹐唯有 X 者留其名﹐寧做一日劉嘉鈴﹐不做一世陳松伶。
李天命的天命﹐是龜縮於象牙塔﹐Mark哥的天命﹐是走私和賑毒﹐各行其事好了﹐不幸被拿下來﹐就依法處理﹐又何苦濫道德﹐要佢地學已故曾Sir﹐做個住家男人﹐做個有用的人？
No comments:
Post a Comment