愛母罪第八

《冰的世界》又來了。姜大衛又來了。


尾野真千子的演出﹐真是可圈可點﹐最絕的是﹐佢成日著住件7-eleven制服周圍走。

今集有30分鐘是flashback﹐倒敘番怜南和仁美的母女關係。最特別的是﹐如此戲劇化的轉折(慈母變狠母)﹐作者唔係用好誇張的情節﹐令件事(愛變恨)變得合理﹐成個戲劇的可信性﹐係讓觀眾進入仁美的狀態和處境(她的孤獨、無助、疲累)來建築。





e場戲也算一絕﹐對白好少﹐完全意會﹐仁美和怜南去海邊﹐仁美突然想遺棄個女﹐個女追番上去﹐又若無其事踩單車回家(怜南重一邊啦啦啦唱歌添)。e 個就是愛母罪深刻的地方﹐你用SM關係﹐施德哥爾摩症候﹐什至用愛去解釋﹐係搔不著癢處﹐個女默默忍受被虐﹐成日笑呵呵﹐個阿媽又假扮事不關己﹐冇事發生﹐其實係源自生存的本能﹐那個「虐兒」的真相﹐像吹氣波波﹐一戳即破﹐二人家族崩坍﹐一切幻滅後﹐她們要面對的命運﹐將會更加殘酷。


成個「虐兒」設計﹐也算匠心獨運﹐觀眾很少看到施暴過程﹐而虐待怜南的其實唔係仁美﹐係佢男友﹐而由始至終﹐同仁美一樣﹐觀眾幾乎乜都見唔到 (仁美半夜放工回家﹐發現怜南傷痕﹐包括施暴者和被虐者﹐大家詐唔知﹐漸漸變了例行工事)﹐即是話﹐這是作者讓觀眾進入仁美立場的方法(唔關我事﹐睇唔到﹐唔係我做﹐唔係咁樣﹐可以典樣)﹐愛母罪的可信性﹐就由此建築矣。