拒絕被拒絕

「你不想被人拒絕，最好的方法就是先拒絕別人」
東邪西毒

《呃錢帝國》用了一種手法﹐令人印象深刻﹐小弟想記下。

其實都冇乜新鮮﹐好多紀錄片都會有﹐就係個畫面黑晒﹐有o的白色的字﹐寫「XXX拒絕接受本片訪問」之類。有趣的是﹐小弟冇數﹐但《呃錢帝國》用了這種「誰誰誰declined to be interviewed」的手法﹐至少20次﹐ 甚至超過20次﹐畫面每次停5秒﹐即停了超過100秒﹐一套戲120分鐘﹐即7200秒﹐即觀眾用了1/72的時間﹐來接收XXX拒絕受訪的意識。拒絕他們的﹐大名鼎鼎﹐包括格林斯潘、蓋特納什麼的契弟。

不發言的言論自由

這兩年小弟常看紀錄片﹐這種字幕﹐o係一部電影﹐最多出現兩三次﹐可能有各種目的﹐畀番當事人benefit of the doubt係其中一種﹐創作人保持謙遜的態度(告訴觀眾﹐我部戲唔係事實的全部)也是一種。可能是小弟見識少﹐真係從未見過呢種字幕﹐可以多到雙位數字。

《呃錢帝國》基本上係以財金學術界名人的訪問﹐貫穿全片﹐通常o係圍剿某君之後﹐就會出字幕「XXX拒絕接受本片訪問」﹐咁就imply左那些拒絕受訪的人﹐係作了好多虧心事﹐唔敢面對鏡頭。小弟想到﹐發言權誠言重要﹐選擇沉默﹐也是言論自由不可或缺的部分。XXX拒絕受訪﹐可能係導演樣衰﹐可能係製片公司太雞﹐可能係個場記好醜﹐可能係常日要洗腎﹐唔得閑見客﹐可能係個仔藏毒畀公安拉左成年﹐好煩﹐總之不一而足﹐唔一定作了什麼違心事。君不見幾多大奸大惡﹐一樣粗口連篇﹐一樣縱橫議論？

拒絕龍友狙擊

有趣的事﹐依《呃錢帝國》的思路﹐美帝官商、學術界互相勾結﹐集體腐敗﹐永不超新﹐但追源溯始﹐問題最根本的源頭﹐不是應該是美帝總統嗎？ 片子也有很多列根、克林頓、大小布殊、奧巴馬的新聞片段﹐但編導敢出個字幕﹐寫「小布殊拒絕接受本片訪問」﹐「奧巴馬拒絕接本片訪問」嗎？典解編導唔乘勝追擊﹐指出奧巴馬拒絕受訪呢？ 因為咁做﹐就會提醒觀眾﹐那些拒絕受訪的XXX們﹐未必真係做了什麼人神共憤的事﹐可能是編導無能而已。

其實XXX同尊貴的美國總統一樣﹐有拒絕接受任何人以攝影機訪問﹐被任何人以手提電話拍攝的權利。當然你可以話﹐法律冇禁止既野﹐就做得架啦﹐有班茂利羅部iphone 4猛映你﹐你冇權阻止佢地架。真係發生的咁既事﹐至少﹐我都有避之則吉﹐敬而遠之﹐從班龍友包圍中逃生的權利吧。