20140225

Why So Serious?

談《華爾街之狼》「犬儒畫外音」及「失敗的李安納度」

一、犬儒畫外音


Travis

史高西斯常用畫外音﹐《的士司機》(1976)主人翁對半身鏡自言自語﹐就源自俄國小說﹐第一人稱敘事《地下室手記》。

一般言﹐電影很難呈現人物心理、思緒。畫外音、自述﹐含有角色向觀眾交心﹐坦逞赤裸﹐以假為真之意。

相比《的士司機》感人肺腑﹐《華爾街之狼》主角的畫外音﹐就很曖昧。沒有感情﹐大部分語帶調侃、玩世不恭﹐有時甚至直接向鏡頭(即觀眾)說話﹐而沒有自省﹐觀眾不會從中了解主角內心。 畫外音變了「間離」﹐觀眾就跟主角保持距離。於是一部真人真事電影﹐便毫不真實﹐變成一連串「黑色笑話」。

編導就是想﹐觀眾嘻嘻哈哈之後﹐覺得片中人片中事﹐無需認真看待。

四眼豬兜跟表妹疑似亂倫﹐生下低能兒女﹐帶去郊野set them free﹐不用黑色笑料包裝﹐認真直拍﹐會是何等光景?全片gag show大雜薈﹐用心亦很清楚: Why so Serious? 認真你就輸了。妄自菲薄的港人不會懂﹐論犬儒﹐金雞3拍馬追不上《華狼》。

黑色荒謬劇Goodfellas(1990)﹐同樣粗口橫飛﹐作者盡量將劇中人處境﹐帶回日常生活﹐令觀眾覺得真實。例如眾人埋屍後園﹐抺乾雙手鮮血﹐於媽媽家聚餐﹐鬥吃意大利麵。《華狼》則不同﹐作者極力想觀眾抽離﹐覺得片中人全部發癲﹐一切酒池肉林﹐只是獵奇睇戲。所以片子對華爾街金融界﹐便毫無殺傷力。

《華狼》的潛台詞﹐是「千祈咪當真」。片末李安納度洗黑錢﹐跟歐洲auntie性交易﹐明明是重頭戲﹐卻變成錯摸喜劇﹐雙方皆誤會對方挑逗自己﹐卻沒有弄假成真。突然插入auntie獨白﹐就是要劃清界線﹐將所有不倫戀、不倫性愛的曖昧消滅: 阿姨Leo沒有性交﹐重覆﹐什麼都沒有發生。

簡單一場戲﹐就見到作者的卑鄙﹐假道學﹐smart-ass。他不敢take一個「道德」或「反道德」的立場(例如片子不會問﹐吸毒、雜交、召妓、亂倫有錯嗎?)﹐又很怕被攻擊誨淫誨盜﹐又姣又怕痛﹐叫雞唔戴袋﹐又驚畀人影到﹐他事實是個孬種。

二、失敗的李安納度

《華爾街狼人》所謂人慾橫流﹐其實是「騙局」。

片中人未必恪守主流社會道德﹐但從未踰矩﹐3P也好﹐雜交也罷﹐一切你情我願﹐(跟侏儒)寫好合約﹐戲中人不會強姦、不會搞基﹐剃人頭髮﹐立刻付鈔﹐亂倫不過說笑而已。一切荒唐行徑﹐皆與世隔絕﹐於密閉空間進行﹐人人身光頸靚﹐不像大陸共狗﹐會無啦啦街頭大便。李安納度搭飛機去瑞士﹐極限是吸毒fing頭﹐重畀人五花大綁﹐十幾個金髮空姐﹐幾廿對波、幾廿對蘿﹐查都冇查過。

《華狼》有兩場戲﹐玩情慾色香味﹐寫李安納度在女體身上吸白粉﹐取鏡大有不同。

第一場是片初﹐鏡頭大特寫一個女人翹起的臀部(類似日本AV「女尻」系列封面)﹐李安納度躲在女人蘿柚背後﹐面向鏡頭﹐將白粉倒入女體肛門﹐用玻璃管吸毒。像霧又像花﹐觀眾只能猜想﹐Leo朝女人肛門吸毒。

第二場﹐李安納度將白粉倒入女人胸前北半球乳溝間﹐大吸特吸。鏡頭毫無避忌﹐清楚拍他又吸又奶。

同樣吸毒﹐兩組鏡頭﹐一隱一顯﹐於是見到李安納度的界限: 「奶乳溝」是極限﹐「奶肛門」則是禁忌。愛他變了害他﹐編導不斷用鏡頭保護李安納度﹐這也是《華爾街之狼》會拍成「喜劇」﹐又搔不著癢處的理由。

將《華狼》逆向思考﹐鏡頭張揚什麼﹐又故意迴避什麼﹐就見到Leo不敢觸碰的禁區。

很多啦﹐例如李安納度唔可以搶人條女啦 (條女男友很快人間蒸發)﹐唔可以早洩啦 (11秒出精﹐但很快又硬了)﹐唔可以痴肥(相對四眼豬兜)﹐唔可以失敗(失業只因股災)﹐唔可以瘦到得棚骨 (相對揼心口瘦骨仙)﹐唔可以打基佬 (由手下代勞)﹐唔可以搞基 (沒有男男肛交) ﹐唔可以打飛機 (四眼豬兜打o左啦)﹐唔可以低能(只是吸毒過量的笑料)﹐唔可以同黑妹雜交等等等等﹐數之不盡。

這就是偶像的宿命。李安納度一日不願走上銀幕表演食撻﹐一日不可能得到奧斯卡。立此存照。

12 comments:

Anonymous said...

1. 居然到左而家仲有人認為Leonardo DiCaprio係偶像, 事實上除左套沉船戲, 佢從來未走過偶像路線, 麻煩你睇多幾套戲
2. 居然到左而家仲有人以為奧斯卡鼓勵演員犯禁, 奧斯卡每一年都係最高曝光率果個就贏, 最出名就係Anne Hathaway, 佢為自己拉票拉到拍片上Youtube, 結果真係俾佢憑 "孤星淚" 贏左女配角

哦 said...

歷年奧斯卡的確有好多演員憑弱勢角色得獎

其實dicaprio之前一向出名演技好, 戲路又闊 (gay, 弱智, 吸毒, 賣淫都做過) 但近幾年太錫身, 戲路好似窄左, 有d樽頸feel

阿武 said...

未走過「偶像路線」﹐又唔覺得有實力(compare with馬修、羅拔迪尼路)﹐咁咪重大件事?咁不屑個獎﹐曝光率高﹐拉下票就有﹐咪唔好羅o羅。

Anonymous said...

其實dicaprio 今次奧斯卡前都罕有地不斷曝光拉下票,不過marty 試過俾幾個年長奧斯卡評審 當面怒斥'shame on you'就知套戲一定無運行.

wolf of wall street 是從4個半小時剪成3個小時,美國電影協會曾發出警告,如果marty不對片中的性愛和裸體場面進行刪改,影片則會被定級為NC-17級(17歲以下觀眾禁止觀看)。

當然marty 不會如 wkw 之流衍生版本源源不絕,他和杜琪峰的電影從來只有一個版本.

阿武 said...

個角色邪惡﹐演員咪要做到邪惡o羅。李安納度做得唔好﹐係因為佢唔想做得好呀嘛。呢個同「犯禁」與否無關。最多人讚賞﹐係李安納度吸毒後o係個地爬那場。其實同《不一樣天空》扮智障一樣﹐佢從來冇改變過。

哦 said...

marty marty marty

原來睇得多八卦新聞, 真係會上腦, 以為自己係同 d celebrities 好熟, sosad

Anonymous的留言提的, 全部都係tabloid或場外花絮. 又東又西, 虛幌閃避, 但始於冇討論過演員在電影內的表演. 而呢篇blog文, 係scene by scene的演技分析, 不論你同不同意其中論點, 同Anonymous之流沒有值得比較的地方

夏蟲不可語冰, 難為武兄重咁認真reply

阿武 said...

哦兄高見﹐似乎你更「認真」﹐haha。

哦 said...

係哦妹妹 (面紅)

阿武 said...

真係對唔住了﹐多謝妳~

Anonymous said...

八卦新聞 tabloid 會有電影料,果然係無知港女!

Variety 同 Hollywood reporter 一早登晒,筆者根本對荷李活一知半解當然要加以更正。

仲有第一個留言並非本人,我根本無和筆者argue 演技呢個point, 無知港女將兩件事混淆視聽,同呢d港女講logic講電影知識真係無謂。

哦 said...

知我係女user, 就用「無知港女」來做反駁論點 (!), 算唔算係性別歧視, character assassination, 扯開話題???

呢篇野, 一共一千五百幾個字, 通篇係分析電影文本, 只係最後一句, 拉一拉oscar來講

但有人始終冇回應半句文本析, 只係捉住幾隻字, 小而化大, 大做文章, 硬係要拉d off screen 花邊新聞來講. 之後仲用同本來討論完全冇關的人生攻擊(港女)來混淆視聽. 咁鍾意詭辯, 不枉你生於呢個指鹿為馬的共匪年代

阿武 said...

過了咁耐﹐重搵來講﹐謝過了。特別感激「哦」君捧場﹐其實我都好少上來﹐haha。
人際溝通﹐有時亦不打不相識。枝節糾纏﹐亦有其意義﹐說不定更令人看清自己(到底是什麼人)呢。