++++
速談《媽媽明天不在 #2》
今集重點﹐o係條橋上面睇日落。
愛菜為彈珠搵到新媽媽而悲傷(「我失戀了」)﹐男同學則乘機向佢求愛(「治療失戀就要開始新的愛情)﹐於是﹐那是愛可否替代的問題 (用野島邏輯﹐可替代的就不是「愛」啦)。
不知不覺﹐野島伸司將「親子愛」和「男女愛」混合了(愛菜失去兒子彈珠﹐自己比喻為「失戀」)﹐將個界線打破了。
一般而言﹐同樣是愛﹐「親子愛」和「男女情愛」南轅北轍﹐界線不可踰越﹐因為觸及亂倫禁忌。
於是見到野島伸司近作﹐真正的挑釁不是母子亂倫(49)﹐是母子有愛(理想兒子)﹐就解釋《理想兒子》會令人不安﹐看不下去了。
愛菜像狗媽媽﹐不顧一切﹐保護彈珠﹐解番三上博史的名句﹐你班友只是寵物而己﹐「お前たちはペットだ」。
睇完今集﹐小弟又明白﹐做咩野島作品角色﹐成日扮動物叫(咩咩咩﹐汪汪汪)。由《黃金保齡》已開始。理想兒子﹐重每人一個動物守護神。
一般說法﹐愛是來自心靈的﹐好清高的﹐是無慾的﹐野島則反其道﹐愛源自本能(如身體的吸引﹐又如so called母性)﹐但被物慾污染﹐漸漸消失(酒井美紀為條仔拋棄女兒)﹐於是想有真愛﹐要回歸本能﹐要遠離引人墮落的慾望﹐於是要冇飯開﹐又要窮羅。
依家我先明﹐《理想兒子》個輪椅少女彈番起身﹐唔係用知性、感情﹐係用本能。
愛菜今集又打﹐勇武精神﹐忍無可忍的時候﹐就要起身打打打 (單係呢樣野﹐已不合這個軟弱的時代)。
有趣的是﹐對比上集﹐愛菜話打就打﹐今集加多句﹐「係妳出手先架」(咁我可以打妳啦﹐八婆)﹐用理知控制本能﹐再發揮得更強大﹐更勁。
下週再見﹗
本文有人睇﹐套劇又可以播下去的話.....
延伸收聽：黑貓Tango
No comments:
Post a Comment