我已經死了

藍玫瑰

野島深夜劇《49》﹐看了三集﹐隨想談談。

http://www.bilibili.tv/video/av804035/
49第三集

小弟第一次上網追看日劇﹐可見是阿伯一族。這個網又幾有趣﹐電視畫框不斷有移動眉批﹐相信是智障新人類一邊看﹐一邊打的(其實可屏蔽)。初時無法忍受﹐覺得佢地有精神病﹐後來反而有興趣﹐會rewind番去﹐睇下新新人類對劇情﹐有什麼看法。

這就是最in的地方﹐跟劇集的中心﹐配合得天衣無縫： 主角爸爸(即一個阿伯)死了﹐上左個仔身﹐重過新新人類的生活﹐同上網盜看的我(一個阿伯)﹐個狀態完全一樣呀。可悲的是﹐不懂就是不懂﹐智障新人類 --- 還是地獄鬼國 --- 的用語、匪語﹐阿伯如我﹐本來就不舉﹐看了只能繳械。

這是49 tricky之處﹐包裝為智障學生劇﹐以為睇靚仔靚妹﹐其實係睇阿伯、師奶。「阿伯」是野島﹐也是我。但呢個位好難入﹐小弟要翻睇第二次先入到。每集20分鐘﹐時間太短﹐演員又曳﹐其實deliver得好勉強。

我第一次入到﹐係第一集開頭﹐少年主角反檯走人﹐阿爸追上去﹐話﹐「哎吔﹐行多幾步都冇氣呀」(大意)﹐同甘國亮講﹐「人老了﹐見到位就想坐」(大意)一樣。這真是一個好好的測試﹐睇左三集﹐你入個靚仔﹐定入個阿伯呢？ 唔駛搽cream﹐不假思索﹐即刻入到阿伯﹐咁我就知道﹐我老到就黎死了。

《49》其實唔係《秘密》(廣末涼子)﹐也不是《轉校生》(小林聰美)﹐其實似My boss my hero(長瀨智也)：黑社會大佬扮細路﹐返中學讀書。

經過Love Shuffle、Gold、理想兒子等所謂滑鐵鑪﹐野島伸司在回應所謂「說教」的批評： 超越父母輩教訓下一代的調調﹐好似高校教師藤木直人向上帝禱告﹐啊﹐kamisama﹐只要上帝再一次給我青春的肉體﹐我身體力行﹐我做畀你睇﹐女典溝﹐波典打﹐老婆典攬﹐青春應該係典樣﹐男人應該典做﹐我做畀你睇呀﹐細路。

湖賀老師：上帝給我多一典時間

野島的二線劇﹐《小狗Waltz》﹐主題複雜﹐但好難看﹐《49》簡單直接﹐反而OK好睇。每集20分鐘﹐還是有數之不盡的舊作variations﹐例如主角屋企養的青鳥﹐由一隻變了一對﹐懷疑係拍畀野島老婆睇﹐本劇的中心﹐也可能是夫婦關係。

第二集的中心﹐除了現代男人困境﹐重講梗《人間失格》(養白兔)的中學生被欺凌問題。20年過去﹐再冇需要生要死﹐淡然間就解開死結﹐就一句話：「細路的事細路自己解決」﹐老不死們fuck off﹐講完﹐瀟酒得不著痕跡。

第三集至少有兩個指涉文本。

一、少年主角做大學裸體畫模特兒﹐正是對應《SOS》﹐女大學生叫瀧澤秀明做雕塑model part-time﹐冇錢畀人工﹐用上床代替。《49》少年主角畀成班女學生畫裸體畫﹐結果唔係破處上床(還是雜交)﹐只得到最乏味的結局： 收錢五千yen一張。明明剝晒衫褲剝晒鞋﹐但少年下面個細佬﹐郁都冇郁過﹐就是男人最悲傷的時刻： 「不舉到只剩下錢」。呼應第二集「男人好難做」的主題﹐搵埋搵埋﹐咪又係畀班女。

二、第三集另一母題﹐就是「橋」。之前兩次﹐《世紀末之詩》和《PRide》﹐都係有條女做望夫石﹐踎o係條橋﹐等條仔番來﹐條賤人當然一去冇回頭。《49》將個設定調轉﹐男主角o係條穚等條女﹐又會發生咩事呢？唔駛等三五七年﹐一晚解決。

類似李小龍的名言﹐「人生重來一次﹐會很有意思」(大意)﹐準確地說﹐不是「重來」(由BB仔降生開始)﹐而是用最癲峰狀態的頭腦和心靈(處世經歷、溝女經驗)﹐重回肉體最癲峰的時候(18歲以前)﹐那就比back to the future更有意思﹐根本我就是超人﹐我是思想家﹐我可以change the world﹐任何理想﹐我都有心有力﹐可以make it happen。

最終的謎﹐什麼叫「49」﹐小弟猜﹐野島今年50歲﹐這是告別前半生的fans service。無數作者﹐三四十歲都死了﹐芥川、夏目、太宰﹐甚至小王子作者﹐獻世之前﹐「我們」都死了。

《49》三集未黎料﹐希望大把都有﹐以後再議﹐就此打住。