前衛變後衛

聞說黃耀明大鑼大鼓﹐於達明演唱會宣布佢係基佬。

首先﹐明哥是基佬﹐有什麼出奇？ 明哥宣布佢是直佬﹐像Swing﹐拉條女出來紅館行婚禮﹐才是真驚人﹐才算打敗張國榮﹐打敗陳冠希﹐帶領特區﹐進入人雜交、馬相戀、賈寶玉、易服男、十三個月亮、Ziggy Stardust和諧共存﹐美好新世界。

江山代有才人﹐At 17年紀輕輕﹐已over the rainbow﹐明哥甘附驥尾﹐愈玩愈縮﹐真是對前衛之名的侮辱。不知何解﹐佢的藝術創意﹐會desperate到這個田地。藝術重含蓄﹐「我是基佬」﹐剝晒衫褲剝晒鞋﹐不過是街市佬、癲狗亂嗌口號。

其次﹐明哥咁鍾意出櫃﹐但好出唔出﹐唔o係黃耀明演唱會、人山人海演唱會、黃萎文演唱會出﹐係都要o係達明演唱會中出﹐也很費解。

例如﹐譚詠倫會揀溫拿演唱會出櫃嗎？ 葛文輝會揀軟硬演唱會出櫃嗎？ 賤吾會揀光明頂出櫃嗎？ 小弟只能說﹐達明被明哥騎劫了。

於白痴八十後、九十後言﹐經此一役﹐達明一派相信會被標籤為同志樂隊﹐變了人山人海一個分支。有幸有不幸﹐假如佢地真係咁神心﹐翻聽達明的catalogue﹐可能會覺得被耍﹐所謂同志歌﹐數來數去就係o個兩首而已。

「今晚我好感動，雖然大會想我講其他事，但我覺得我好愛明哥，好重要一件事，神也愛明哥、神愛同志、神愛罪人及病人。」 劉以達寸得好﹐將基佬與罪人、病人等量齊觀。

明哥明明知道達哥唔鍾意﹐但佢扮唔明﹐係都要咁玩騎劫﹐講到尾﹐不外乎以大欺小﹐小學雞﹐自大狂﹐技安所為﹐一種很扭曲﹐很狹隘﹐與藝術家身分不符的病態心理。

其實明哥要打敗達哥﹐應光明正大﹐不要搞陰謀詭計﹐於音樂上一較高下。佢有絕對優勢﹐電台、唱片公司、文化界、小學程度以上人士、同志、重有顧家輝支持﹐駛乜驚呢。

明哥玩到咁「大」﹐玩到上娛樂頭條﹐小弟以小人之心猜度﹐佢恐怕根本唔想以「達明」的名義﹐到鄰近地區tour吧。

共匪歡迎達明演出﹐咪賺多幾百萬人仔羅 (大銀幕投射「薄瓜瓜是同志」口號？ 夢遺大師啦你﹗)；共匪禁止達明入境﹐乘機慷慨就義﹐變了蘋果A1頭條﹐到時明哥變了人民英雄、同志英傑﹐犠牲了達哥和達明﹐明哥也是雙贏。

達哥斯人也﹐只有糖兄妹支持﹐卑躬屈膝﹐要像達明第一首歌那樣﹐繼續追尋﹐真那麼你阿爸的難也。

絲絲典典計算﹐偏偏相差太遠﹐笑顏藏淚印﹐獨舞亂衣鬢。