武評：
吳老師的服裝指導明顯出了問題﹐眼神呆滯﹐手臂肉鬆﹐
姿勢比較像摔角比賽舉Round X紙牌的三點式女郎﹐
情緒好抽離﹐扭曲像拉筋﹐有《援膠女郎》feel。
吳老師問糖糖﹐2017年一人一票選特首﹐同學應唔應投票云云﹐
糖糖冇急才﹐太笨實﹐假如我係化粧師﹐我建議佢大番條八婆：
「各位同學﹐各位未來的主人翁﹐
你地唔應咁消極﹐齋投票係唔夠既﹐盡公民責任係唔夠既﹐
假如到時香港人一人一票選特首﹐我會呼籲修改行政長官選舉條例﹐
將參選年齡降到18歲﹐唔駛提名人﹐填張表就選得﹐
到時唔理好醜﹐人人平等﹐
唔理你係靚女到張柏芝咁﹐定係港女到張寶華咁﹐
荒淫到阿嬌咁﹐定係堅貞到阿Sa咁﹐
大眼到Theresa咁﹐定係好戲到Stephy咁﹐
爛佬到黃毓民咁﹐定係噁心到蔡子強咁﹐
你地都要出黎做野﹐唔好諗住靠老婆賣牛肉麵﹐
唔好諗住靠抬棺材同擲蕉食糊﹐唔好諗住靠畀人鬧賴依芙﹐
你地要自立﹐孭起頭家﹐由高做起﹐人工逐年遞減﹐
一齊為一國兩制﹐港人治港出一分力﹐
我當你今年15歲﹐2017年係22歲﹐啱啱大學畢業﹐選到既話﹐可以搬入去禮賓府﹐
咁就唔駛再為買唔起樓擔心啦﹐招呼多三兩百個老友入去群交都冇問題﹐
開放埋冰頭花園個老虎籠畀你地住又點話﹐
吳老師今年45歲﹐2017年也不過52歲﹐至少重有3年先退休﹐夕陽無限好﹐
英國自民黨黨魁Nick Clegg﹐社民連主席陶君行都不過40出頭﹐重巴閉﹐
特區人要超英趕美﹐要超鹽田超璋木頭﹐就先要有個00後特首﹐選個10後既就更妙﹐
唔好以為我比各位多幾十年社會、商界同政界既經歷﹐
飲多你地幾萬CC紅酒﹐英文比你地流利﹐
就等於我比你地優越﹐我好謙遜受教﹐
到時請你地行出黎﹐同我一齊競選特首﹐
有三幾百個參選人﹐直情可以玩到2046﹐玩到地老天荒。
做人要有大志﹐唔好咁奴性﹐民主唔係跪番來的﹐民主係要爭取的﹐
國際歌有唱﹐『世上從來就沒有救世主』﹐你要救『全世界受苦的人』﹐請你地挺身而出﹐
唔該你掉左個『我要有權選特首』既牌﹐
我會叫特首辦特別助理陳岳鵬幫你做個『我要同你一齊選特首』既牌﹐
等佢除左影印之外多的野做﹐到時你再舉牌﹐好冇？
最後﹐我要引毛主席的發言：
『世界是你們的，也是我們的，但是歸根到底是你們的，
你們年輕人朝氣蓬勃，正在興旺時期，好像早晨八九點鐘的太陽，我將希望寄託在你們身上。』」
吳老師的馬腳﹐非常遺憾﹐就是那塊「我要有權選特首」的紙牌﹐完全缺乏當家作主的精神﹐
非常政治不正確﹐比一般奴才更可恨﹐是以為自己不是奴才的奴才中的奴才﹐
愛吃免費午餐﹐以為寫幾句爛標語﹐
就是「良心教師」，是教育界典範了﹐
你冇預備坐監、畀癲狗咬、畀人通櫃、畀藍帽子插眼同灌水﹐學咩人挑戰司長呢。
咁鍾意挑戰﹐挑下庇利羅士校長先丫﹐挑下教育局局長孫明揚先丫。
懂得think out of the box﹐冇受過通識教育﹐但受過港英殖民教育﹐而心智健全的人﹐
自能體會﹐這不過是特區劣質奴化教育下的產品﹐學生固劣﹐教師自難悻免。
難為有茂利﹐認為吳老師大受歡迎﹐是因為他說出了「人民的心聲」﹗
歡呼喝采中﹐假如這就是人民的「心聲」﹐我要替特區人心靈的劣曲與貧乏而擔心。
No comments:
Post a Comment