骨化風乃成

不要埋怨「老人家」說話，八十後很多說話老一輩亦不明白，大家用的詞彙不同。然而，所用的語法也不同。四十、五十後很喜歡用委婉語，又稱「潛台詞」，就是不直接把話說出來！原因？礙於彼此的體面，也有認為︰委婉才算禮貌，同時表現智慧與學識。今天，八十後完全可以將這些說話方式風光大葬了！

先說委婉語一例︰當年，鄧碧雲大佬倌參加《季節》肥皂劇演出，甚受歡迎。她合約將屆，開明車馬詢問製作總監《季節》何時拍完？我實在不便透露，有關商業軍情嘛！便以「偈語」回答︰「美人自古如名將，不許人間見白頭！」她一聽便明白。優良的節目，見好即收，令受眾留下良好印象嘛！至於何時收，不說了！換了今日「姐仔」恐怕不知製作總監說什麼瘋話。

某次上課，一位女學生姍姍來遲，攜一碗香噴噴的豬骨粥，坐下便吃。從前此事不會發生的，教授表示內心不滿，運用委婉語︰「這麼香的粥，下次替我多買一碗。」女生不假思索便答︰「你要豬骨還是鹹瘦肉？」我當時氣結！她完全不明白「指責的幽默版」。我們一代從家庭、學校、社會（傳媒）中不經不覺學了做人說話禮貌，其中委婉語是隨身武器。所謂「轉過彎罵人（或稱讚人），說話令受眾「嗒落有味」，令他苦苦思量，內藏有什麼含意......

湮沒的潛台詞
劉天賜 2010-03-03 信報財經新聞


劉天賜同大碧姐話：「美人自古如名將，不許人間見白頭！」﹐暗示套劇《季節》就快「見好就收」云云﹐咁隱晦的「潛台詞」﹐大碧姐點會get 到丫﹐至少我就木宰羊啦。「美人」當然係比喻大碧姐啦 (邊個女人會覺得自己唔美？)﹐阿茂諗到你係講套劇咩﹐「白頭」云云﹐你踩佢老﹐衰多兩錢重﹐簡直罪當處斬。

依本扑對班老屎忽的了解﹐我敢講﹐大碧姐明明想續約﹐重想加人工添﹐唔係駛乜問劉公丫。點不知劉公會咁奚落佢﹐肯定嬲到拍晒台﹐以為劉公叫佢入女廁何篤尿照下﹐睇下自己咩野新鮮蘿蔔皮﹐自願早抖﹐番加拿大湊孫添丫。大碧姐會唔會因為呢句話﹐嬲劉公一世﹐嬲TVB一世﹐將一道怨氣﹐帶埋上天國同facebook﹐我都唔敢講﹐但劉公得罪左大佬倌﹐重當江湖傳奇一樣寫番出黎﹐你都真係矇盛盛﹐重羅黎教班打壞後生﹐誤人字弟丫你﹐買棺材唔知土定丫你﹗

兩條港女姍姍來遲，羅一袋零食開餐﹐呢類鳥事﹐同睇戲食爆谷一樣﹐其實好常見﹐悶悶地﹐搵野消遣下﹐有乜唔好？ 家庭冇教養﹐教師冇權威﹐學校冇理念﹐個人冇自制﹐但劉公咁溫文爾雅咁問佢：「這麼香的粥，下次替我多買一碗。」﹐你又想佢點答你呢？ 不如羅來做通識問題﹐下諗幾個可以羅滿分的答案丫。抑或沉默無語﹐面紅耳熱﹐將碗羅去女廁倒左佢﹐然後歡喜讚嘆老師講野真係妙不可言﹐「意味深長」丫﹐一邊哭泣：「下次我請你丫」﹐係咪咁就擁抱左你的自尊？ 其實條女唔羅包萬寶路出來食﹐咪算客氣羅。

「女生不假思索便答︰『你要豬骨還是鹹瘦肉？』」咁條女當然唔識尊師重道﹐本扑仍然覺得答得不錯﹐有90年代港產爛片風味﹐至少反應快不示弱識駁嘴﹐重擺明挑戰埋你呢款「繞彎罵人」的四十、五十後套路添。劉公「當時氣結」﹐是完全合理的﹐時代唔同了(不管是上昇還是下沉)﹐唔通你捉條女出來打藤？不過聽唔明對方「話中有骨」的﹐落唔到台的﹐重拉對方出來示眾的﹐恐怕是劉公自己吧。

早知如此﹐典解一早唔光明正大教訓佢﹐或者至少唔好咁有禮貌﹐學你老友陶傑咁講幾句陰毒野都好丫。一言以蔽之：虛偽和懶醒。