依時序...
改寫自facebook （其實冇改過-_-a...
《若者たち2014》第一集
HP
最有象徵性的一幕﹐橋本愛「亮劍」﹗
呢套o野班男角都好廢﹐反而三條女則幾特別﹐一個是舞女﹐一個是情婦﹐一個是淫賤女學生﹐而無愧﹐理直氣壯。
班男人唔係control freak﹐就係廢柴﹐外強中乾﹐班女則自求我道﹐外表清純﹐而用心險惡。
最能回應這個時代﹐就是這點吧。
聽說收視欠佳﹐很簡單﹐冇人孭到飛。
老餅見到妻夫木聰咁虧(compare with江口洋介)﹐就唔想睇。(松山研一做我就睇﹗)
包裝到以為睇緊《同一屋簷下》﹐班女亦唔知係拍畀自己睇 (短短一集﹐妻夫木聰分別畀三條女鬧「賤人」)。
睇完成集﹐堆砌到極(無啦啦會打摔角)﹐都唔知佢做咩 ------ 成集推動力係「生仔」﹐問題係﹐日本仔同香港班後生一樣﹐典會想生仔﹗
餘韻：
Hero 2014第一集
HP
成集最吸引人睇﹐係典將北川景子同其他人tune埋﹐一樣高矮~
最精彩係木村用類似格鬥技﹐將北川景子﹐扭到矮過自己﹐有意思~
用世界杯比喻﹐沒有球王﹐一人球隊已經沒有﹐要打整體戰~
木村唔打算變﹐已無作為﹐但夾埋美食家、小日向文世等等一齊上﹐都重呃到人o架~
劇集主旨冇咩唔同﹐要sense到建制、官僚腐化唔難(等於係人都知巴西、德國隊垃圾啦)﹐但要突破﹐則要世上仍有不受權力、金錢腐化的Hero (美斯踢假波﹐證明左係冇)。
PS 相信尾二個集松隆子會出場﹐兩條女爭仔﹐然後大結局收視超越30%。
《父親的背影》 第一集
作/岡田惠和
演/田村正和、松隆子
HP
另一部小津風作品.
片頭已很有特色： 一對男女名字﹐「桂さん與瞳子さん」﹐視覺上對稱﹐位置卻稍微偏離正中。父女平起平座﹐等量齊觀﹐已在顛覆父權象徵的小津安二郎。
此作玩父女戀﹐表面看有違小津捍衛的舊式人倫。
有趣的是﹐邪中有正﹐松隆子取代亡母的角色﹐跟父親田村正和同居三十五年﹐持家有道﹐雙方發乎情止乎禮﹐疑似「不倫」﹐卻反而了阻止了家族分崩離析。
她倆一直保持互稱「桂さん」與「瞳子さん」﹐以禮儀(小津式的「秩序」)﹐保持一道親密而微妙的距離。
通過不倫關係(父女疑似亂倫)﹐來維持舊式家庭制度﹐免於崩壞﹐真是驚人手筆﹗
小津電影裡的人物﹐當然唔識咁笑啦.
《昼顔》第一集
作/井上由美子
演/上戶彩、吉瀨美智子
HP
第一場戲就好露骨﹐雪條變軟﹐滴落去﹐但得個兩滴.....
劇名源自布紐爾《青樓紅杏》﹐但其實係講家庭崩壞﹐似野澤尚﹐
得意處﹐是女人用勾佬﹐周圍亂搞﹐來維繫無聊的婚姻關係.
呢個同亦舒的名句好似有唔同(愛一些人﹐結婚產子另一些人)﹐更犬儒(先嫁個有權力的男人﹐再搵其他男人尋找愛情﹐然後用偷情的快樂﹐來維持無味的婚姻)
最有趣﹐第一場就講鄰居女人放火﹐燒死自己一家人﹐可能見到日本人的自毀情結。
比想像中有趣﹐講完。
餘韻：
《あすなろ三三七拍子》
作：吉田紀子
演：柳葉敏郎、剛力彩芽
HP
呢套o野講一班老o野、冗員和廢柴﹐去大學組「応援団」 （舊式啦啦隊）﹐好驚喜。
此劇令人想到日本人謳歌的青春﹐往往帶有歌頌落伍者、失敗者的美學色彩﹐最終成功與否﹐並不那麼重要：
不管幾無聊、看似無意義的事﹐只要年輕人竭盡所能去做﹐那個做到人人嘔血的過程﹐就是意義所在。
於是「青春」跟此劇﹐就配合得天衣無縫：
幾個失意人、廢柴、弱者(「女人」)、邊緣人﹐組合成團﹐就有孤身(隱喻舊價值)跟世界對抗的氣勢。柳葉敏郎五六十歲人﹐家庭事業全面失敗(即男權崩壞)﹐於無望之下﹐向天怒喝﹐o益到胃抽筋﹐真係無法不令人動容。
那班被現實社會丟棄的廢柴﹐回歸校園(大學)﹐解除所有社會崗位(職員、丈夫等等)﹐於是奪回「青春」(「錢」和「成功」不是必要)。
「応援団」恪守的規範和儀式(如上級向下級的凌辱與攻擊)﹐於女權高漲下﹐反而對男權產生了微妙的制衡：
前輩都是冇牙老虎﹐對後輩的攻擊﹐更像愛的鞭笞﹐簡直覺得可愛(那個貼在牆上的「問答無用」標語﹐一見我就笑到碌地)。
此劇最令人有感受﹐是「応援団」的中心：「気合」（類似「氣勢」的意思） ﹐看似虛無﹐無法通過語理分析﹐但當團員谷行硬料﹐拚死呼喊時﹐就有可能吸引人﹐影響人﹐萬眾一心。
早前有政治組織高喊「打倒共產黨」﹐被譏為「念力抗共」﹐各界一致恥笑﹐追問「你想典推翻共產黨呢」。對比呢套講以心傳心﹐無法改變世界﹐也要改變自己的日劇﹐小弟就想﹐什麼叫「青春」﹐香港虧人﹐那些左乜撚膠﹐懂個屁。
再講一次﹐我話o既﹐《狂舞派》識乜撚青春。
No comments:
Post a Comment