20130903

毒撚衣櫃學

假如將基佬由攣抝到直﹐是霸權﹐是政治不正確﹐則《字裡人間》將個形貎猥瑣的毒撚主角﹐拗到變西裝筆挺的有為文化青年﹐不知算唔算強暴呢?只能說﹐冇侷賭冇強姦﹐一切都出於自願。五姑娘唔伸入褲頭﹐拉開褲鏈﹐冇人逼到你打飛機。

早前另有一部毒撚片《那年遇上世之介》﹐倒敘主角英年早逝﹐啟悟幾位大學朋友完成夢想﹐主題很清楚:毒撚冇咩用﹐只能一死以謝天下。

《字裡人間》心計更深﹐以光明正大的理由(文化傳承、尊重書本、民族精神什麼的)﹐直接收編毒撚。老人們以毒攻毒﹐利用毒撚蠢、戇居、樣衰、忠心、唔洗頭、無能用、無人無物、無屋企無街去的特點﹐讓他焚膏油以繼晷﹐替文化老人做牛做馬。

明明做到形容枯槁﹐面無人色﹐足不出戶﹐不知青春為何物﹐毒撚還以為自己已獲重生﹐像正生書院考入大學的更生吸毒生﹐更能感動其他中大同窗﹐燒燬iphone﹐丟掉ipad﹐買本《茅山高校》﹐輕撫書頁﹐細味書香。

片子下半部﹐時裝美少女加入﹐獲毒撚主角啟發(紙質重要一絲不苟)﹐總編輯點醒(勿為圖片刪減字數)。銀幕下的年輕觀眾﹐假如完全受教﹐重覺得好感動﹐沒想過自己被教訓﹐沒想過根本係對方out﹐要洗您腦來維護既得利益(雙方不是對等溝通關係﹐是上司下屬關係)﹐小弟只能說﹐您如非天真有牙﹐就是警覺性低﹐無知無覺﹐墮入編導的文化洗腦陷阱了。

咩係毒撚的人生目標?

淺人會說﹐依次序是以下幾樣:一、溝女;二、識朋友;三、有事業;四、變回常人。不能說不對﹐但搔不著癢處。

要點是﹐毒撚係無興趣講career(有就唔係毒撚啦)﹐佢地對錢亦缺乏觀念﹐只想不斷專研某種專門技藝(lolita露股也好﹐網上罵戰議政也罷)﹐呼朋結友就最好。而當這一切都絕望的時候﹐冇人冇錢冇朋友﹐日日瑟縮一角﹐毒撚只能寄望愛情﹐愈絕望 ﹐愈需要女人。一如弗洛姆的名言﹐你對愛情產生了幾多幻覺和渴望﹐只倒映了你是何其寂寞而已(大意)。

《字裡人間》的字典編輯部﹐簡直是毒撚夢想中的自我育成場所。你鐘意邊瓣﹐就可以不停做做做﹐唔駛同人傾偈﹐又有人工收﹐賣唔去冇所謂﹐去canteen食屎咁食﹐味同嘴蠟﹐返到屋企﹐無啦啦又有條女送上門wor﹐你話幾坐享其成呢。

由此思之﹐就明白下半部字典編到最後階段﹐一大堆毒撚大學研究生﹐義助支援﹐一如民賤聯王國興﹐於立法會拉布期間寫毛筆大字。日以繼夜夜以繼日﹐混身惡臭﹐不修邊幅﹐使office留下一地三寸長微卷的黑色毛髮﹐然後大家攬埋一堆﹐心心相印﹐世界大同﹐咩都唔駛講﹐兩脅插刀﹐這才是毒撚的夢想。

毒撚主角寫冇人識睇的草書情信﹐其實是全片最重要的要點: 你我總有共通語言﹐全世界其餘幾十億人﹐去死吧﹐這才是毒的最高境界。所以﹐宮崎叫毒撚唔好寫﹐用口講﹐「我愛妳」﹐那就是毒撚破櫃而出的一刻﹐陽光從百葉廉透進﹐毒撚用回常人的語言﹐就不再是毒撚﹐毒撚已死。

松竹公司﹐有兩大系統﹐一是小津安二郎的家庭倫理電影﹐一是八十年代以降﹐山田洋次王國﹐庶民偽善溫情類型。中間夾有激進派大島渚﹐反檯破門而出的小事﹐於大局並無影響。

小津系統﹐早已世界確認﹐最富日本味道的藝術作品﹐山田系統﹐則被視為媚俗小道﹐難登大雅(近年似有平反之勢)。兩大系統其中之一的共通點﹐是描寫價值分歧﹐代際矛盾。小津以超然物外的寬容著稱﹐也有令人生畏的時刻﹐例如《東京暮色》﹐未婚懷孕的有馬稻子﹐就被房車攔腰撞死。

山田洋次則更露骨﹐愈老愈狂暴﹐對無能的下一代﹐絕不寬恕﹐《給弟弟的安眠曲》﹐游手好閑的笑福亭鶴瓶﹐就生cancer﹐彌留半小時而死(電影時間﹗)。《東京家族》的廢柴子孫妻夫木聰﹐就有條好新抱(蒼井優)睇住﹐老母則像怪獸父母﹐慌死佢唔死﹐再無啦啦塞一大舊錢畀佢。

依這條松竹線索﹐就能解釋﹐《字裡人間》毒撚主角無家庭﹐無父母的理由﹐-----總編輯和八千草薰﹐就是他的爸爸媽媽﹗小津和山田電影慣見的代際衝突﹐《字裡人間》沒有﹐一點衝突都沒有﹐只有耍花槍(總經埋叫停製作字典之類)﹐很簡單﹐主角根本就是毒撚﹐與智障分別不大﹐他根本沒想過反抗﹐聖者之行進。毒撚主角與疑似老婆宮崎﹐沒子女﹐關係疏離而費解。

《大渡海》發佈酒會﹐那張麻生久美子抱著嬰兒的海報﹐意味深遠。

內外人就明白﹐毒撚主角與宮崎あおい﹐大纜都扯唔埋。反而呢﹐小田切讓與麻生久美子﹐才是見慣見熟的銀幕情侶(時效警察等等)。十二後﹐走精面的小田切﹐重返編輯部﹐猛講電話同老婆和BB傾偈﹐那張海報的嬰兒﹐才是他與麻生下一代的煙粥屎﹗

至此﹐一切水落石出﹐編輯真正想觀眾投射的﹐其實不是毒撚主角﹐他只是用完即棄的尿布或衛生巾。毒撚只是誘騙無知下一代﹐進入建制﹐維護建制的人肉教材。觀眾應該認同的﹐其實是口舌便及﹐走得快好世界的小田切讓。至少佢大隻、靚仔、長毛﹐生得出下一代呀(refer番去他現實與香椎由宇的婚姻關係呀)。

最後﹐小弟要說﹐全片最令我氣憤﹐想拍檯的一場戲。

總編輯於醫院彌留﹐毒撚主角手執大渡海初印稿去見最後一面﹐一路跑﹐突然有條護士標出黎:「醫院唔准跑架」。

毒撚聽教聽話﹐竟然即刻收步﹐急急腳咁行。你老豆最後一面wor﹐見唔到典算呢﹐我真係小你老母呀﹗

假如毒撚唔理護士﹐跑得更勁﹐毒撚還有最起碼的志氣﹐我可以接受這套電影﹐現在則否。

說到底﹐he's just another brick in the wall。

6 comments:

Anonymous said...

你條撚樣,我都唔你係度噏乜撚野,你痴9線架,鍾意玩亂倫ar..,吓,你條仆街

Anonymous said...

你條撚樣,我都唔知你係度噏乜撚野,你痴9線架,鍾意玩亂倫ar..,吓,你條仆街

你條7頭,內容句句都唔你噏乜撚野,讀好d書先係度噏野啦,笑死銜坊

Anonymous said...

你條撚樣,我都唔知你係度噏乜撚野,你痴9線架,鍾意玩亂倫ar..,吓,你條仆街

你條7頭,內容句句都唔知你噏乜撚野,讀好d書先係度噏野啦,笑死銜坊

Anonymous said...

你條友,痴得幾on9,愈睇愈仆街,依家究小你老母啦﹗

阿武 said...

嘩﹐阿哥﹐你留咁多重複既﹐內容一式一樣﹐打飛機﹐一次咪得羅﹐都唔關我事﹐你閂埋房門﹐自己搞掂咪算羅。幾分鐘內﹐連出四次﹐真係冇益架。

我 said...

呢條粉皮係咪"熱狗"嚟㗎,真係笑死朕~~