煩膠長舌婦

After Midnight有咩唔通﹐最簡單﹐除非係基佬﹐男人唔會不停咁講野個羅﹐對住女人﹐對左十幾廿年既女人﹐更加唔會﹐只會愈來愈冇野講。只可說﹐這是長舌婦的幻覺﹐自我戀投射﹐以為大家條利一樣咁長﹐就可利叠利。

成套睇完﹐我一直等待靜默的一刻﹐真係好希罕﹐只有一場戲﹐好似野島伸司日劇﹐係處睇日落﹐話時話﹐那種傷心的感覺﹐一個日落畫面﹐係咪more than thousand words呢。不出所料﹐這場戲僅有的幾句對白﹐什麼it's still there﹐都是長舌婦講的。即使是法國妹﹐都未必懂高達﹐他們不懂真愛﹐就要有comfortable silence。

煩唔係問題﹐問題係假呀嘛。邊有人咁講野既呢﹐句句頂實﹐(扮)字字珠磯﹐做極唔完﹐又冇高潮﹐勁過華仔和Sammi。問題係﹐你用手搖鏡﹐長十幾廿分鐘咁拍﹐我當你係真架啦﹐但呢兩條友﹐好假羅﹐又冇墨水﹐唔知up乜春(你真係唔知自己up乜﹐重好些)。同伊力盧馬唔同﹐明顯寫晒劇本﹐無即興可言。牆頭隻狗吠都好假﹐長舌婦明顯唔識點接(隻狗)。

嗱﹐長舌婦話個煩膠﹐床上功夫差﹐差過Henry Miller。喂﹐阿姐﹐你話我冇陳冠希上過咁多女﹐冇金城武咁靜仔﹐冇黃洋達咁口臭﹐妳想攻擊我條毛呀？攻擊男人冇能用﹐唔係咁攻架嘛。

煩膠寸長舌婦同人吹蕭﹐話佢同哈維爾吹﹐有咩攻擊力呀﹐同夏春秋吹就話該煨者﹐咁攻鬼攻馬咩﹐搔不著癢處呀嘛。口裏說好﹐身體卻很老實﹐煩膠摸住長舌婦對dum到落肚臍個胸﹐即刻不舉﹐咁就真係挑釁啦。

何解無挑釁呢？全部齋talking羅﹐扮真實﹐但唔敢脫離個框架﹐冇進入煩膠同長舌婦個生活狀態、生活困難呀嘛﹐有閑階級無病呻吟。你加場戲﹐講長舌婦打理家務幾辛苦﹐對Twins幾煩﹐想丟佢落街﹐後面長舌婦反檯﹐咪有根有據羅。但After Midnight唔會咁拍既﹐典解呢？銀幕下個班﹐都係長舌婦黎架嘛﹐佢地有幾可會洗碗呢﹐呢的野﹐賓妹做咪得羅﹐關我差事﹐唔想睇呀。

最後半小時玩鬧交﹐假得很﹐長舌婦出出入入﹐酒店房三進三出﹐堆砌到爆﹐個導演甚至畀煩膠靜一分鐘的空間﹐都唔敢畀(台下的長舌婦們冇咁好耐性架)。覺得咁就叫勁既﹐小弟建議睇Blue Valentine﹐冇出火﹐冇出血﹐冇死狗﹐學咩人鬧乜差野交呢﹐小姐脾氣﹐耍花槍都要應棍先得架。

最可惡﹐是結局長舌婦又奉迎番煩膠﹐做小女人﹐滿足番佢個男權性幻想﹐咁妳搞來搞去﹐搞乜春呢﹐咪羅黎搞羅。講到尾﹐就是利益問題﹐如果煩膠係無名作家﹐六國大封相左九廿幾世啦。僅從這點言﹐又很符合香港長舌婦的幻想(錢決定一切)。

咁你話係ironic筆觸﹐冇效果羅。全片唯一有意思的﹐是長舌婦話﹐「我唔要做妳筆下的人物」(大意)﹐似有向導演發炮的意思﹐但end credit﹐套戲係written by 長舌婦個wor﹐咁你話﹐佢係咪癲既呢。